Abafana b’amavubi beretse urukundo rudasanzwe Sugira Erneste bamumenaho umurundo w’amafaranga(Amafoto)

Kuri uyu wa Gatandatu taliki ya 19 Ukwakira 2019, nibwo habaye umukino wahuje ikipe y’u Rwanda, Amavubi, ubwo yakiraga ikipe y’igihugu ya Ethiopia mu mukino wo kwishyura wabereye kuri sitade ya Kigali i Nyamirambo.

Amakipe yombi yasoje umukino anganya igitego 1- 1, Ethiopia ihita isezererwa kuko yari yabanje gutsindirwa iwayo.

Abafana bajugunyaga amafaranga Sugira akagenda atoragura

Ikipe y’u Rwanda y’Umupira w’Amaguru ‘Amavubi’, yabonye itike yo gukina imikino ya nyuma y’Igikombe cya Afurika gihuza abakinnyi bakina muri shampiyona zabo (CHAN 2020)

Rutahizamu w’ikipe ya APR FC, Sugira Ernest niwe watsinze ibitego bibiri byafashije u Rwanda kubona itike ya CHAN 2020.

Sugira Ernest yatsinze igitego mu mukino ubanza wabereye muri Ethiopia, ni nawe watsinze icyakabiri cyahesheje intsinzi u Rwanda.

Ayo ni amafranga Sugira agenda atoragura

Kuba Sugira yafashije Amavubi gukomeza, ibi byashimishije abafana benshi bari baje kureba umupira, uyu mukinnyi ubwo umukino warangiraga yagiye gusuhuza, abafana bari basazwe n’ibyishimo maze uyu musore bamusukaho amafaranga agenda ayora aho yacaga hose muri Sitade.

Tanga Igitekerezo ukoresheje Facebook

SHARE