Search

Abafana biteze ko Bruce Melody azabaha amafaranga muri PGGSS nibasubize amerwe mu isaho

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Umuhanzi Bruce Melody ukunzwe na benshi mu Rwanda ndetse no mu bindi bihugu bitandukanye yavuze ko ntamufana n’umwe ateze kuzaha amafaranga kubera ko Abafana be badakennye, ahubwo ko uwaba abitekereza yabyiyibagiza

Bruce Melody ni umwe mu bahanzi 10 batoranyijwe mu bazitabira irushanwa rya Primus Guma Guma Super Star8 uyu mwaka, aganira na Radiyo Rwanda yabwiye abari bamwitezeho ko azabaha amafaranga gusubiza amerwe mu isaho kuko ari ntayo ateze kuzabaha.

Uyu muhanzi ubwo yashwishurizaga Abafana bari biteze kwakira amafaranga ava mu biganza bye, yavuze ko ari umuhanzi ukora indirimbo agacuruza umuziki we, bityo rero ntashobora gulora umuziki ngo abe ari nawe uwigurira kandi awukeneyemo umusaruro.

Sibyo gusa kuko uyu muhanzi yanavuze ko abafana be badakennye ku buryo ariwe bitezeho amafaranga yo kwifashisha. Yagize Ati”Ntamufana nzaha amafaranga kuko Abafana banjye Atari abakene, sinjye ugomba kubagurira kuko bo ubwabo barigurira”.

Yavuze ko kuba atarigeze yegukana iri rushanwa mu myaka yashize nubwo ari mu bahabwaga amahirwe yabisobanura ‘nk’igihe cye cyari kitaragera’ aho kuvuga ko hari ibyo atakoze byatumye adatwara igikombe kandi yari akwiye kucyekugana.

Yagize ati “Ntababeshye ntabwo nkunda ibintu nzakora umutima ugahora uncira urubanza. Ibyo ari byo byose Abanyarwanda ni abantu bumva ibyo nkora n’ururimi mvuga, bazi ibyo nshoboye, bazi n’ibyo ntashoboye. Ari abatanga igikombe, abatora, mwebwe mudukoresha ibiganiro, muri Abanyarwanda, byose muba mubireba.”

Yongeyeho ati “Sinzi ikintu cyabaye ku bafana bacu, uhura n’umuntu akakubwira ngo nutangurira akantu sinzagutora,Nta mufana nzagura, nta n’uwo nzagurira akantu kugira ngo amfane. Uzantora kuko naguhaye serivisi nziza ncuruza, ntabwo uzamfana kuko nakuguze. Niba hari umufana wicaye azi ko nzamuha amafaranga kugira ngo amperekeza muri ‘roadshow’, amerwe ayasubize mu isaho.”

Bruce Melody yanavuze ko yishimiye impinduka zongerewe muri Primus Guma Guma Super Star mu bijyanye no guhemba harimo kuba umuhanzi wa mbere uzegukana Primus Guma Guma azahembwa miliyoni 20 mu gihe mu mwaka ushize yahabwaga miliyoni 24. Indi mpinduka nziza ni uko umuhanzi warushije abandi by’ukuri azemezwa n’akanama nkemurampaka gusa.

Bamwe mu bahanzi bahanganye na Bruce Melody muri PGGSSs8

Bruce Melodie ni umwe mu bahanzi bagomba guhatana muri PGGSS ya munani. Uyu muhanzi aririmo hamwe n’abandi icyenda ari bo Khalfan, Jay C, Christopher, Uncle Austin, Mico The Best, Active, Just Family, Queen Cha na Young Grace.

KWIZERA Juvenal-Ibyamamare.com

Comments

comments




Leave a Reply

Your email address will not be published. Required fields are marked *