Search

Abagera kuri 18 bitabye Imana,260 barakomereka bikabije mu mpanuka ya gari ya moshi yabereye muri Afurikay’Epfo

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Kuri uyu wa 04, Mutarama, gare ya moshi itwara abagenzi muri Afurika y’epfo yagonze ikamyo maze abagera kuri 18 bitaba Imana naho 254 barakomereka.

Iyi mpanuka ya Gali ya moshi yasize benshi ari inkomere

Nk’uko byatangajwe na minisitiri  ushinzwe gutwara ibintu n’abantu muri icyo gihugu Joe Maswanganyi  ngo iyo gare ya moshi yarenze umuhanda wa yo nyuma yo kugonga ikamyo yageragezaga kwambuka umuhanda maze ifatwa n’inkongi y’umuriro.

Iyo gare ya moshi yavaga mu mujyi witwa Port Elizabeth ijya I Johannesburg  yari itwaye abiganjemo abavuye mu biruhuko n’iminsi mikuru baza ku kazi.

Umwe mu babonye iby’iyo mpanuka yavuze ko abagenzi benshi bahiriye mu bice bimwe bigize iyo gari ya moshi mu gihe hari n’abandi bageragezaga kuvamo.

Abantu 18 baburiye ubuzima muri iyi mpanuka

Maswanganyi aganira n’itangazamakuru yavuze ko uwari utwaye ikamyo yajyanywe ku bitaro ngo harebwe niba yaba yari atwaye yasinze cyangwa se afite ikindi kibazo mu mutwe.

Umunyamabanga nshingwabikorwa w’ikigo gitwara abagenze cyitwa the State-Owned Passenger Rail Agency ni we wemeje ko abaguye muri iyo mpanuka ari 18 abandi 260 barakomereka,akomeza avuga ko abakomeretse bikabije  bajyanywe ku bitaro.

Polisi yo muri icyo gihugu iratangaza ko irimo gukora iperereza ku cyaba cyateye impanuka.

ubwo ababishinzwe bageragezaga gutabara abatarashiramo umwuka

 

Richard [email protected]

Comments

comments




Leave a Reply

Your email address will not be published. Required fields are marked *