Search

Abahanzi baririmba indirimbo zihimbaza Imana aya mahirwe ntabacike, Kwiyandikisha muri Groove Awards Rwanda birakomeje.

IBM Radio Listen Live

KANDA HANO UREBE VIDEO

Abahanzi n’amakorali baririmba indirimbo zihimbaza Imana mu Rwanda ndetse n’ababa hanze y’u Rwanda bakomeje kwiyandikisha mu itangwa ry’ibihembo bihabwa abahanzi b’indirimbo zihimbaza Imana bitegurwa  na Groove Awards Rwanda .

Insanganyamatsiko y’uyu mwaka wa 2016 igira iti :” Come as you are ” bisobanuye mu rurimi rw’Ikinyarwanda ngo :” Ngwino uko uri ” nkuko byanditswe mu gitabo cy’ibyanditswe byera ( Bibiliya ) muri Matayo 11:28

????????????????????????????????????

Impamvu nyamukuru ngo ituma abahanzi basabwa kwiyandikisha ngo ni ukugirango amahirwe abe angana ku bahanzi bose , bitewe nuko hari abibagirana bitewe n’igihe indirimbo zabo zasohokeye nkuko bitangazwa na Rene Hubert ushinzwe itangazamakuru no guhuza ibikorwa  muri Groove Awards Rwanda .

Ati :” Birashoboka ko hari abahanzi batorwa bakajya mu byiciro batariyandikishije rimwe na rimwe bakegukana ibihembo ariko kandi hari n’abatabyegukana bitewe nuko abo bari mu byiciro bimwe bakoze cyane uwo mwaka kubarisha . Ariko na none hari abagiyemo babikesheje kuba bariyandikishije kuko wasangaga abashinzwe kubatora hafi ya bose batabahurijeho . Ibyo rero mu rwego rwo kubaha ijambo niyo mpamvu Groove Awards Rwanda yemeye ko umuhanzi wumva neza uburemere bw’igihangano cye n’umurimo cyakoze yagitora , akanagiha amahirwe yo kuzagaragara muri Groove Awards , kuko binafasha abashinzwe akana nkemurampaka iyo bari kugenzura buri muhanzi n’igihangano cye .

Groove Awards Rwanda ikaba imenyesheje abahanzi bari mu Rwanda no mu mahanga ko bashobora kwiyandikisha banyuze kuri website ya Groove awards Rwanda ariyo [ http://submit.grooveawards.co.rw/ ] bityo bagakomeza kwiyongerera amahirwe yo kuzagaragara mu byiciro by’abahanzi bazamenyekana mu mpera z’uku kwezi .

Abahanzi kandi bashobora no kugana kuri Blues café (Ahakorerwa ibya interineti) , Inyubako ya La bonne adresse, Nyarugenge, Kigali city venue 3. Ku biro bya ibyishimo.com bikorera i Nyamirambo [ MBAYA’S HOUSE muri etage ya 3 ] no ku isoko rishya rya Nyarugenge muri Amani Resto no kuri Radio Umucyo muri T2000 nshya muri Etage ya 4 bakabasha kuhabona impapuro zo kuzuza zigenewe abahanzi n’amakorali .

Hubert Rene ushinzwe itangazamakuru no guhuza ibikorwa muri Groove Awards Rwanda yanatangaje ko uyu mwaka Groove Awards Rwanda izanye udushya twinshi harimo ibitaramo by’abahanzi b’indirimbo zihimbaza Imana ( Groove Tour ) no kuzamura impano z’abahanzi bashya hagendewe ku majwi yabo ( Gifted Voices ) bikazabera mu matorero manini ari mu mujyi wa Kigali  .

 

Ibi kandi ngo biziyongeraho ibyiciro byitabirwaga mu bahatanira ibihembo bya Groove Awards ndetse no kurushaho gukorera ubuvugizi abakora ibikorwa bitandukanye by’iyamamazabutumwa bwiza bwa Yesu Kristu mu Rwanda.

Mu magambo ye ati :” Udushya ni twinshi kuko buri mwaka Groove Awards Rwanda iba ifite udushya . Uyu mwaka muzabona ibyiciro bizahembwa bishya kandi byose bigizwe n’abakozi b’Imana . Ikindi ni uko hazabaho ibitaramo bibiri bizabera hirya no hino mu matorero ( insengero ) twemeza ko ari manini kandi abahanzi n’amakorali bakazabasha kugeza ubutumwa baririmba ku bantu benshi batandukanye, bakarushaho kumenya Yesu nk’Umwami n’umukiza , abandi bakakira agakiza bakihana ibyaha . Ntago nakwibagirwa ko uyu mwaka aribwo Groove awards Rwanda izerekana izindi mpano nshya mucyo twise ‘ Gifted Voices .”

Kanda hano udukurikire kurubuga rwacu rwa youtube, urasangaho ibiganiro n’amashusho y’indirimbo bishya twaguhitiyemo, ntiwibagirwe gukana ahanditse”Subscribe” Kanda hano ujye udukurikira kuri facebook yacu, ntiwibagirwe gukora Like

Comments

comments




Leave a Reply

Your email address will not be published. Required fields are marked *