Search

Abajura bacukuye imva ya Ivan Ssemwanga wahoze ari umugabo wa Zari bashaka amafaranga bamushyinguranye

IBM Radio Listen Live

KANDA HANO UREBE VIDEO

Mu ijoro ryo kuwa Kabiri tariki ya 5 Ukuboza 2017 abajura bataramenyekana bacukuye imva ya Ivan Ssemwaga wahoze ari umugabo wa Zari Hassan, bashaka imikufi ya zahabu, ibikomo n’akayabo k’amafaranga bamushyinguranye.

Imva y’uwahoze ari umugabo wa Zari, abajura bahora bashaka kuyicukura kubera amafaranga uyu mugabo yashyinguranywe.

Ivan Semwanga yari umunyemari uzwi cyane muri Uganda gusa izina rye ryamamaye cyane muri Afurika y’Uburasirazuba ahanini kubera urukundo rwe na Zari n’uruhare yagize mu iterambere rya Uganda mu buryo butandukanye. Yitabye Imana ku wa 25 Gicurasi 2017, yaguye muri Afurika y’Epfo azize indwara yo guturika imitsi yo mu mutwe.

Mu kumushyungira abakire bagenzi be bamusasiye imikufi, ibikomo n’inoti z’amoko anyuranye ari nacyo cyatumye mu bihe bitandukanye abajura bagerageza kuyipfumura ngo bataburure ubutunzi buhishemo.

Uku niko abajura bacukuye imva ya Ssemwanga bashaka gukuramo amafaranga yahambanwe

Ikinyamakuru The New Vision cyo muri Uganda, cyatangaje ko imva y’uyu muherwe iri mu gace ka Naklilo yatewe n’abajura bagishakishwa bagerageza gucukura ngo binjiremo imbere bavanemo amafaranga ariko umugambi wabo upfuba bataragera ku ntego.

Abatangabuhamya bageze ku mva ya Ivan Ssemwanga mu gicuku cyo kuwa Kabiri babwiye iki kinyamakuru ko umugambi wabo bajura, waburijwemo n’imbwa zamotse maze bagira ubwoba bariruka.

Umuryango wa Ivan wari warashyizeho abacunga umutekano w’iyi mva bahabwa umushahara uhoraho mu kwirinda ko umuntu wabo yazatabururwa. New Vision ivuga ko hari amakuru yizewe ashimangira ko abacungaga umutekano w’iyi mva bananirwanwe n’uyu muryango ku bwo kutabaha umushahara nk’uko babyumvikanye.

Aba barinzi ngo bishyuwe ukwezi kwa mbere gusa bahabwa amashiringi 600,000 mu gihe bari barumvikanye ko bazajya bahembwa miliyoni.

Abaherwe bari inshuti ya Ivan Ssemwaga bashashe amafaranga mu mva ye mbere yuko bururtsa umurambo we.

Hari harashyizweho abashinzwe gucunga umutekano w’iyi mva.

Zari Hassan acunga imitungo imwe n’imwe Ivan yasize muri Africa y’Epfo.

Zari n’uwahoze ari umugabo Ivan mbere yuko batandukana ngo ajye kubana n’umuhanzi Diamond Platnumz

 

Ivan Heritier

Comments

comments




Leave a Reply

Your email address will not be published. Required fields are marked *