Abakinnyi ba Arsenal bahisemo kwogoshwa amasunzu nyuma yo gusobanurirwa umuco Nyarwanda

Abakinnyi ba Arsenal, Pierre Emerick Aubameyang, Héctor Bellerín na David Luiz bahisemo kwogoshwa Amasunzu yogoshwaga n’Abanyarwanda ba kera, ni nyuma yuko basobanuriwe bimwe mu bigize umuco Nyarwanda.

Biciye mu masezerano u Rwanda rufitanye n’ikipe ya Arsenal yo mu Bwongereza ya Visit Rwanda, abakinnyi batatu b’iyi kipe; Umunya-Gabon Pierre-Emerick Aubameyang, Umunya-Brésil David Luiz unaheruka mu Rwanda ndetse n’Umunya-Espagne Héctor Bellerín basuye aherekanirwa ibigize umuco Nyarwanda i Londres basobanurirwa byinshi harimo n’inyogosho ya kera izwi nk’Amasunzu.

Aba bakinnyi bahise basaba ko bakwogoshwa iyi nyogosho dore ko buri wese yabanje guhabwa umwanya akavuga ku buzima bwe ataragera ku rwego ariho ubu, bose bahuriza kuba uko ubuzima bwahindutse ari nako n’uburyo biyogosheshaga nabwo bwagiye buhinduka.

Aba bakinnyi bazagaragara bwa mbere mu kibuga bafite inyogosho y’amasunzu ku wa Mbere w’icyumweru gitaha tariki 6 Mutarama 2020, ubwo Arsenal izaba ikina n’ikipe ya Leeds United mu irushanwa rya FA Cup.

Aubameyang na Héctor Bellerín mu nyogosho nshya y’Amasunzu.

 

Tanga Igitekerezo ukoresheje Facebook

SHARE