Search

Abakirisitu Gatulika basabwe kugira urukundo nk’urwa Bikira Mariya (Amafoto)

IBM Radio Listen Live

KANDA HANO UREBE VIDEO

Kuri uyu wa kabiri abakirisitu gaturika bizihiza umunsi mukuru mutagatifu wo kujyanywa mu ijuru kwa Bikira Maliya, Musenyeri wa Diyoseze Gatulika ya Gikongoro yabasabye kugira urukundo kandi bakanarusangiza abandi nkuko na Bikira Maliya yabigenzaga.

Nk’uko bisanzwe ku italiki 15 Kanama, abakirisitu Gatulika ku isi yose bizihiza umunsi mukuru wo kujyanwa mu ijuru kwa Bikira Maliya (Assomption.)

Kuri uwo munsi abakirisitu Gatulika baturutse imihanda yose bagira urugendo rutagatifu berekeza i Kibeho ku butaka butagatifu aho umubyeyi Bikira Mariya yabonekeye abakobwa batatu (Anathalie ,Alphonsine na Marie Claire) akababwira ko ari Nyina wa Jambo nk’uko Kiliziya Gatulika yabyemeje.

Ayo mabonekerwa yabaye hagati ya 1981 na 1989.

Kuri iyi nshuro, abakirisitu gatulika babarirwa hagati ya 12,000 na 15,000 bitabiriye urugendo rutagatifu bajya i Kibeho ku butaka butagatifu. Aba bakirisitu baturutse mu Rwanda ndetse no mu bihugu birukikije nka Congo,Uganda,Burundi,Tanzania, n’abandi baturutse hirya ya Afurika nabo ntibatanzwe dore ko hari abaturutse muri Autriche, Pologne, USA, Australie,…

Igitambo cya Misa cyayobowe na Musenyeri wa Diocèse ya Gikongoro Célestin Hakizimana afatanyije n’intumwa ya Papa mu Rwanda Mgr Andrezej Joswowicz.

Mu butumwa yageneye abitabiriye igitambo cya Misa, Mgr Andrezej yabasabye guha agaciro umubyeyi Bikira Mariya kuko bemera ko yababyariye umucunguzi Yezu Kristu. Yashimiye Musenyeri wa Diocèse ya Gikongoro kuba yamutumiye ndetse by’umwihariko akaba ari ubwa mbere ageze i Kibeho.

Mu butumwa bwatanzwe na Musenyeri wa Diocèse ya Gikongoro Célestin Hakizimana yibukije abakirisitu kugira urukundo no kurusangiza abandi nk’uko Bikira Mariya yabigaragaje ubwo yajyaga gusuura Élizabeth Mutagatifu yirengagije ko na we yari atwite Yezu Kristu.

Iki gitambo kitabiriwe kandi na Guverineri wungirije wa Banki Nkuru y’igihugu(BNR) ,Dr Monique Nsanzabaganwa, Visi Perezidante w’urukiko rw’ikirenga Sylvie Zainabu Kayitesi, Izabiriza Jeanne ,Gitifu w’Intara y’Amajyepfo, Intumwa za rubanda zitandukanye nka Gatabazi JMV, Eugene Barikana,Mukandutiye Speciose, Abayobozi mu nzego za gisirikare ndetse na Police. Igitambo cya Misa cyatangiye saa 11:00 gisozwa saa14:00.

 

Comments

comments




Leave a Reply

Your email address will not be published. Required fields are marked *