Search

Abakobwa 20 bahatanira ikamba rya Nyampinga w’u Rwanda bagiye gufana APR FC na Rayon Sports (Amafoto)

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Mu mpera z’icyumweru dusoje nibwo amakipe abiri yo mu Rwanda, APR FC na Rayon Sports zakinnye imikino ibanza mu mikino Nyafurika (CAF Champions Leagues). Aya makipe yakiniraga mu rugo yari yaje gushyigikirwa n’abakunzi bayo batandukanye barimo n’abakobwa 20 bari guhatanira ikamba rya Nyampinga w’u Rwanda 2018.

Aba bakobwa bose uko ari 20 bageze mu cyiciro cyanyuma cy’amarushanwa ya Miss Rwanda 2018, kuwa Gatandatu tariki ya 10 Gashyantare 2018 bagaragaye kuri stade Amahoro i Remera baje gushyigikira ikipe ya Rayon Sports yakinaga na Lydia Ludic y’i Burundi.

Aba banyampinga batoranyijwe mu Ntara zose z’igihugu n’umujyi wa Kigali, baje gushyigikira ikipe ya Rayon Sports babambaye imyenda iri mu mabara yambarwa n’iyi kipe (ubururu n’umweru).

Uyu mukino waje kurangira amakipe yombi anganya igitego 1-1, hakaba hategerejwe umukino wo kwishyura uzabera i Burundi mu byumweru bibiri ubundi hakamenyekana ikipe izahita isezererwa muri iyi mikino hagata y’izi zombi.

Bucyeye bwaho ku munsi wo ku Cyumweru tariki ya 11 Gashyantare 2018, habaye undi mukino wahuzaga ikipe ya APR FC na Anse Réunion FC yo mu Birwa bya Seychelles.

Aba banyampinga bari kuba i Nyamata mu karere ka Bugesera aho bari gukorera umwiherero, bongeye kugaragara mu myanya y’icyubahiro muri stade Amahoro bagarutse gushyigikira ikipe y’Ingabo z’u Rwanda APR FC, kuri iyi nshuro bakaba bari baje bambaye imyenda y’umukara.

Nubwo bigoye kumenya nimba aba bakobwa n’ubusanzwe bafana aya makipe mu Rwanda ariko kuri uyu munsi batahanye ibyishimo kuko ikipe bari baje gushyigikira yashoboye kunyagira Anse Réunion FC ibitego 4 ku busa. Naho hakaba hategerejwe umukino wo kwishyura uzabera muri Seychelles mu byumweru bibiri.

Uyu mukino warangiye Rayon Sports inganyije na LLB.

APRF FC yo yanyagiye Anse Reunion 4-0.

 

 

Ivan Heritier

Comments

comments




Leave a Reply

Your email address will not be published. Required fields are marked *