Abakobwa bahatanira ikamba rya Miss Supranational Rwanda batangiye umwiherero (Amafoto)

Abakobwa 15 bari guhatanira ikamba rya Miss Supranational Rwanda 2019 batangiye umwiherero ‘boot camp’ bazamaramo iminsi itanu bahabwa amasomo atandukanye.

Ku mugoroba wo kuri uyu wa Kabiri tariki ya 3 Nzeri 2019 nibwo aba bakobwa uko ari 15 berekeje muri La Palisse Hotel  Nyandungu aho bagiye gukorera umwiherero.

Amasomo bazahigishirizwa azibanda ku muco, uko bakoresha imbuga nkoranyambaga mu buryo buboneye, indangagaciro zikwiye kubaranga n’ibindi.

Aba bakobwa berekeje mu mwiherero ni Umulisa Divine (No 2), Umufite Anipha (No 3), Neima Nina (No 5), Umwali Bella ( No 6), Uwababyeyi Rosine (No 7), Magambo Yvette (No 9), Gihozo Alda (No 10).

Harimo kandi Umwari Sandrine (No 11), Igiraneza Ndekwe Paulette (No 12), Mutoni Queen Peace (No 13), Uwase Aisha (No 14), Umuhoza Karen (No 15), Umutoniwase Anastasie (No 17), Umunyana Shanitah (No 18) na Umukundwa Clemence ( No 19).

Ku itariki ya 6 Nzeri ababakobwa bazagira ijoro ryo kwerekana impano maze kuwa 08 Nzeri nibwo hazabaho igikorwa cyo gutoranya umukobwa uhiga abandi, akazaserukira u Rwanda muri Miss Supranational mpuzamahanga izabera muri Pologne.

Kwinjira mu birori byo gutanga ikamba rya Miss Supranational bizana susurutswa n’umuhanzi Alyn Sano, ni 10,000 Frw mu myanya isanzwe. Mu myanya y’icyubahiro (VIP) ni 15,000 Frw mu gihe ameza y’abantu umunani azaba ari 150,000 Frw.

Aba bakobwa babanje guhabwa amabwiriza bazagenderaho mu gihe bazamara muri uyu mwiherero.
Simbi Sabrina uri hagati witabiriye iri rushanwa mu 2012 azafatanya n’umubyeyi we wambaye umukara gukurikirana ubuzima bwa buri munsi bw’aba bakobwa. Ubanza ibumoso akaba ari Alphonse Nsengiyumva umuyobozi wa KS Ltd itegura iri rushanwa.

Basangiye amafunguro y’umugoroba.

 

Tanga Igitekerezo ukoresheje Facebook

SHARE