Abakobwa bari guhatanira ikamba rya Miss Rwanda 2020, bagiye mu mwiherero buriwese afashwe akaboko n’umubyeyi we(Amafoto)

Abakobwa 20 batoranyijwe kuzavamo Nyampinga w’u Rwanda 2020, kuri iki Cyumweru nibwo bahagurutse mu mujyi wa Kigali berekeza i Nyamata aho bagiye mu mwiherero bazamaramo ibyumweru bibiri.

Aba bakobwa bose uko ari 20, buriwese yari aherekejwe n’umubyeyi we, bafite ibikapu birimo ibikoresho byibanze bazifashisha muri uyu mwiherero.

Aba bakobwa bari baherekejwe nabo mu miryango yabo

Uko ari 20 bahagurukiye ku nyubako y’Intare Arena iherereye Rusororo mu karere ka Gasabo, baramara ibyumweru bibiri muri Hotel Golden Tulip iri mu karere ka Bugesera  mu mujyi wa Nyamata.

Uyu mwiherero bagiyemo uzasozwa tariki 22 Gashyantare 2020.

Gutangira gutora aba bakobwa bizatangira kuwa Kabiri tariki 11 Gashyantare 2020 saa moya z’umugoroba, bihagarare tariki 22 Gashyantare 2020 saa moya z’umugoroba.

Igikorwa cya Miss Rwanda kizasozwa tariki 23 Gashyantare 2020 aribwo hazamenyekana uwegukanye ikamba rya Nyampinga w’u Rwanda 2020 asimbure Nimwiza Meghan ufite irya 2019.

Buriwese yaje yitwaje igikapu kirimo ibikoresho azakenera

Abakobwa 20 berekeje mu mwiherero ni ::

1. Irasubiza Alliance No 11
2. Nishimwe Naomie No 31
3. Mutesi Denyse No 28
4. Ingabire Gaudence No 8
5. Ingabire Rehema No 10
6. Musana Teta Hense No 26
7. Kirezi Rutaremara Brune No 17
8. Mukangwije Rosine afite No 21
9. Ingabire DianeNo 7
10. Ingabire Jolie Ange No 9
11. Mutegwantebe Charnice No 27
12. Kamikazi Rurangirwa Nadege No 15
13. Akaliza Hope No 1
14. Umuratwa Anitha No 42
15. Mpinganzima Josephine No 19
16. Teta Ndenga Nicole No 35
17. Uwase Aisha No 51
18. Nyinawumuntu Rwiririza Delice No 33
19. Umutesi Denise No 43
20. Umwiza Phionah No 47

Tanga Igitekerezo ukoresheje Facebook

SHARE