Search

Abakobwa batsinze cyane kurusha abahungu mu bizami bya leta bisoza amashuri abanza n’icyiciro rusange

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Kuri uyu wa Kabiri tariki ya 9 Mutarama 2018 nibwo Minisiteri y’uburezi yashyize hanze amanota y’ibizamini bya Leta bisoza amashuri abanza (Primaire) n’iby’ikiciro rusange cy’amashuri yisumbuye (Tronc-Commun) mu mwaka w’amashuri wa 2017. Abakobwa batsinze ku kigero cya 55,5% naho abahungu batsinda kuri 44,5%.

Umunyamabanga wa Leta ushinzwe amashuri abanza nayisumbuye Isaac Munyakazi atangaza aya manota.

Aya manota yatangarijwe ku cyicaro cya Minsiteri y’Uburezi, agaragaza ko abanyeshuri bo mu mashuri abanza batsinze kuri 86% mu gihe abasoje ikiciro rusange cy’amashuri yisumbuye batsindira kuri 89%.

Muri rusange, abakobwa nibo batsinze ku kigero cyo hejuru mu byiciro byombi (amashuri abanza n’ikiciro rusange cy’ayisumbuye), aho batsinze ku kigero cya 55,5% mu gihe abahungu ari 44,5%. Ntabwo bitandukanye cyane n’umwaka w’amashuri wabanje wa 2016 kuko nabwo abakobwa aribo bari batsinze ku kigero cyo hejuru kingana na 55,1% naho abahungu batsinda ari 44,9%.

Mu kiciro rusange cy’amashuri yisumbuye, hari hakoze abanyeshuri 86 837 barimo abakobwa 45 198 n’abahungu bagera  41 639.

Muri iki kiciro, muri uyu mwaka w’amashuri wa 2017 abakobwa batsinze ku kigero cya 52,05%, naho abahungu batsinda kuri 47,95% mu gihe mu mwaka w’amashuri wa 2016 abakobwa bari batsinze kuri 52,1%, abahungu bari 47,9%.

Abanyeshuri bakoze ikizamini gisoza amashuri abanza bariyongereye kuko mu mwaka w’amashuri wa 2016 bari 159 785 mu gihe mu mwaka wa 2017 hakoze 196 873 barimo abakobwa 109 329 n’abahungu  87 544.

Uwabaye uwa mbere mu mashuri abanza yitwa Mugisha Nsengiyumva Frank wo mu Karere ka Muhanga naho Manzi Joselyne wo muri Gasabo aba uwa mbere mu bakoze ikizamini gisoza icyiciro rusange.

Minisiteri y’Uburezi ivuga ko abakobwa bakomeje gutsinda ku kigero kiri hejuru ugereranyije na basaza babo kuko impuzandengo igaragaza ko mu kiciro rusange abakobwa batsinze kuri 7/1 ugereranyije n’abahungu mu gihe mu mashuri abanza ari 3/2.

Abashaka kureba amanota bashobora kujya ku rubuga rw’ikigo k’igihugu gishinzwe uburezi (REB) ari rwo www.reb.rw naho kuri telephone, kureba amanota y’abarangije mu mashuri abanza bashobora kwakandika akajambo P6 bagakurikizaho code y’umwaka hanyuma bakohereza kuri 489, Urugero: p6010103063014 ukohereza kuri 489.

Naho abashaka kureba ayo mu mashuri yisumbuye, bakwandika akajambo S3 bagakurikizaho code y’umwaka ubundi bakohereza kuri 489. Urugero: s30101030OLC009 ukohereza kuri 489.

 

 

Ivan Heritier

Comments

comments




Leave a Reply

Your email address will not be published. Required fields are marked *