Abakoresha Airtel bashyiriweho ‘Byose Pack’ ibafasha kugurira rimwe Internet, sms n’iminota yo guhamagara ku mirongo yose

Kuri uyu wa Gatanu tariki ya 20 Werurwe 2020 nibwo sosiyete y’itumanaho ya Airtel Rwanda yatangije ku mugaragaro ipaki bise “Byose-Combo Pack” yorohereza abafatabuguzi bayo kugurira rimwe internet ya mbere yihuta, iminota yo guhamagara ku mirongo yose ndetse na SMS.

Abakiliya ba Airtel bazaba bafite amahitamo yo kugura iyi paki mu buryo bune butandukanye, bwiza kandi bworoshye.

Hari imara iminsi ibiri igurwa 500Frw, imara icyumweru igura 1500Frw n’izimara ukwezi imwe igura 5000Frw n’iya 15,000Frw.

Kugura iyi paki umukiliya akanda *255*6# maze agakurikiza amabwiriza bitewe n’ipaki ashaka kugura, uburyo bunamuha uko ashobora kuba yayigurira inshuti nk’impano cyangwa akareba ingano y’iyo asigaranyeho.

Ni ipaki iki kigo cy’itumanaho cyatangije mu rwego gukomeza gufata neza abakiliya nk’uko cyabyiyemeje, kuko muri Airtel, umukiriya ari umwami.

Mu gutangizaku mugaragaro iyi paki nshya, Umuyobozi mukuru wa Airtel Rwanda, Amit Chawla yavuze ko izi paki zihita zitangira kuboneka hose mu Rwanda. Ku bakiriya bashya, icyo basabwa gusa ni ukugura simukadi ya Airtel bagatangira kuryoherwa n’iyi paki ikubiyemo byose.

Yagize ari i“Tumaze kwiga neza ku byifuzo by’abakiriya bacu, intego yacu ni ukugeza itumanaho ku bakiriya hagendewe ku byifuzo byabo.”

Yakomeje agira ati: “Iyi paki nshya ni igisubizo ku mubare w’abakenera interineti ukomeza kwiyongera mu gihe bijyanye n’uko abakoresha telefone zigezweho bakoresha porogaramu zikomeye.”

Abakiliya bakunda guhamagara cyane bazabasha guhitamo ipaki zitanga iminota myinshi uhereye kuri GB 2 n’iminota 3000 mu gihe bahamagara kuri Airtel ndetse n’iminota 225 bahamagara ku yindi mirongo mu Rwanda.

Uretse n’ibyo kandi uhabwa Message (SMS) 500 ukoresha wohereza ku bari ku murongo wa Airtel.

Indi paki ni imara iminsi ibiri igura 500Frw, ugahabwa MB 250, iminota 200 uhamagara kuri Airtel n’iminota 15 uhamagara ku wundi murongo mu Rwanda hamwe na message 50 wandikira abakoresha Airtel (073 na 072).

Uguze ipaki igura 1500Frw uhabwa MB 750 n’iminota 700 uhamagaza kuri Airtel, iminota 50 uhamagaza ku yindi mirongo hamwe na sms 150 wandikira abakoresha Airtel , iyi ikaba imara icyumweru.

Ipaki nini Airtel itanga igura 15,000Frw aho umukiliya ahabwa GB 15 n’iminota 3000 uhamagaza kuri Airtel, iminota 500 ahamagaza ku yindi mirongo hamwe na SMS 1500 yandikira abakoresha umurongo wa Airtel, ikamara ukwezi.

Iyi pack ije kandi mu gihe iyi sosiyete ivuga ko yakuyeho igiciro cyo kwoherereza ubutumwa bugufi (SMS) ku bafatabuguzi bayo bose hagamijwe gukomeza guhanga n’icyorezo cya Coronavirus.

Byose-Combo Pack yorohereza abakiliya ba Airtel kugurira service nyinshi icyarimwe.
Ubu koherezaubutumwa bugufi ni ubuntu ku bafatabuguzi bose ba Airtel Rwanda.

 

 

Tanga Igitekerezo ukoresheje Facebook

SHARE