Abakoresha Airtel Money nibo bonyine bemerewe kohereza no kubikuza agera kuri miliyoni 4 ku munsi

Muri iki gihe Isi ihangayikishijwe n’icyorezo cya Coronavirus, sosiyete y’itumanaho ya Airtel Rwanda ikomeje kworohereza abakiliya bayo ibashyiriraho uburyo bubafasha kwirinda iki cyorezo. Kugeza ubu abakoresha Airtel Money bemerewe kohereza no kubikuza amafaranga agera kuri miliyoni 4 ku munsi mu gihe ahandi hose harimo n’amabanki ari miliyoni 1 ku munsi.

Airtel Rwanda yakoranye bya hafi na Banki Nkuru y’u Rwanda (BNR) muri gahunda yo koroshya ibijyanye no kwishyura hakoreshejwe ikoranabuhanga hagamijwe kurinda abafatabuguzi bayo kwandura icyorezo cya Coronavirus binyuze mw’ihererekanya ry’amafaranga.

Ibi bikurikira bigiye guhita bishyirwa mu bikorwa, bikaba byiyongera kuri gahunda yo kohererezanya amafaranga ku buntu:

  • Ubu noneho abakoresha Airtel Money bashobora kohereza no kwakira kugera kuri miliyoni 4 mu munsi umwe bitandukanye n’uko batashoboraga kurenza miliyoni 1 ku munsi.
  • Nta mafaranga azongera gukatwa ubitsa cyangwa ubitsa amafaranga hagati ya konti ya banki na Airtel Money.
  • Ubu noneho abacuruzi bemera kwishyurwa hakoreshejwe Airtel Money bashobora kubikuza amfaranga bacuruje, ku buntu.

Umuyobozi mukuru wa Airtel Rwanda, Amit Chawla yavuze ko iyi ari inkuru nziza ku bakiriya babo muri ibi bihe bikomeye.

yagize ati “Muri ibi bihe bikomeye, ni inkuru nziza ku bakiriya bacu kuba batazongera gukatwa  ku kintu cyose bifuza gukora ku mafaranga yabo bakoresheje Airtel Money.”

Yakomeje agira ati “Bakoreshe telephone zabo, abakiriya ba Airtel, bashobora gukura amafaranga kuri banki nta mpungenge, bakihahira ibicuruzwa nta kibazo cyo gukatwa.”

Airtel ivuga ko ikomeje gukorana bya hafi na n’itsinda ryashyizweho na Guverinoma y’u Rwanda mu gukurikiranira hafi uko hagenda haba impinduka zijyanye na Coronavirus, kandi ikomeje gukora ibishoboka byose ngo igabanye guhura hagati y’abantu no guhanahana amafaranga mu ntoki.

 

 

Tanga Igitekerezo ukoresheje Facebook

SHARE