Abana b’impanga Beyonce yibarutse bavukanye ikibazo

IBM Radio Listen Live

KANDA HANO UREBE VIDEO

Nyuma y’iminsi umuhanzikazi Beyonce yibarutse impanga ariko bikabanza kugirwa ibanga nyuma bikaza kwemezwa na bamwe mu bo mu muryango we, byatangajwe ko aba bana yabyaye bavukanye ikibazo cy’ubuzima bakaba bakiri gukurikiranwa mu bitaro.

Beyonce yamaze kwibaruka impanga.

Beyonce Giselle Knowles washakanye na Jay-Z, hari hashize igihe bategerezanyije amatsiko kwakira abana b’impanga uyu mugore yari atwite. Kuri ubu yamaze kwibaruka gusa bibanza kugirwa ibanga nyuma bizakwemezwa ubwo se wa Beyonce witwa Mathew Knowles yandikaga kuri Instagram agira ati “Amavuko meza ku mpanga, sogokuru arabakunda!”

Ubu nibwo butumwa se wa Beyonce yanitse kuri Instagraa bushimangira ko umukobwa we yibarutse impanga.

TMZ ivuga ko Beyonce yibarutse umukobwa n’umuhungu gusa aba bana bakaba bagiye kumara icyumweru bari mu bitaro nyuma yo kuvukana ikibazo ngo abaganga bahisemo kudahita bamwemera kugenda.

Iki kinyamakuru kivuga kando ko Beyonce yibarukiye mu bitaro biri mu Mujyi wa Los Angeles ku wa Mbere w’icyumweru gishize, tariki 12 Kamena 2017, ariko bikomeza kugirwa ubwiru ndetse ntihagire ubyemeza hagati y’uyu mugore cyangwa umugabo we Jay-Z.

Izi mpanga zikurikiye undi mwana w’imfura w’umukobwa bise Blue Ivy Carter wavukiye mu bitaro bya Lenox Hill Hospital byo mu Mujyi wa New York ku itariki 7 Mutarama 2012.

Beyonce n’umugabo we Jay-Z barikumwe n’imfura yabo Blue Ivy.

 

 

Ivan Heritier

67,473 total views, 1 views today

Comments

comments

Indirimbo Nshya : NTURANYE NABO by MAY LO[YIREBE HANO]



Leave a Reply

Your email address will not be published. Required fields are marked *