Abana b’ingagi 24 bahawe amazina, batatu biswe n’ibyamamare muri Arsenal, Pierre Emerick Aubameyang yayise Igitego

Uyu muhango wahuruzaga imbaga ukabera mu Kinigi, uyu munsi wabereye kuri Televiziyo. Abise abana b’ingagi amazina bari ahantu hatandukanye kubera icyorezo cya COVID-19 cyugarije Isi. 

Perezida Paul Kagame wagejeje ijambo ku Baturarwanda n’inshuti zarwo ziba zitegereje uyu muhango yashimiye cyane abayobora ba Mukerarugendo, ababatwaza imizigo, abarinda ingagi n’ibigo by’Ubukerarugendo bifasha ko u Rwanda rusurwa.

Perezida Paul Kagame yanashimiye ikipe ya Arsenal ifatanya n’u Rwanda mu gushishikariza abanyamahanga kurumenya no kurusura binyuze mu bukangurambaga bwa VISIT RWANDA aho aya magambo yandikwa ku kibuga cya Arsenal ndetse no ku mwambaro wayo ku kabo.

Ni kunshuro ya 16 Kwita Izina bibaye, muri 2020 bibaye mu buryo bwihariye amakoraniro y’abantu benshi adashoboka.

Abana b’ingagi 24 bahawe amazina, batatu biswe n’ibyamamare muri Arsenal.

Pierre Emerick Aubameyang rutahizamu wa Arsenal n’ikipe y’Igihugu ya Gabon yise umwana w’ingagi Igitego. Myugariro Hector Berlin yise umwana w’ingagi Iriza, naho Umunyezamu Bernard Leno ayita Myugariro.

Ni kunshuro ya 16 Kwita Izina bibaye, muri 2020 bibaye mu buryo bwihariye amakoraniro y’abantu benshi adashoboka.

Mu yandi mazina yahawe abana b’Ingagi, arimo Indiri, Duhuze, Isezerano, Murengezi, Umusanzu, Ubushobozi, Ishya, Ihogoza, Ikamba, Nkerabigwi, Amabwiriza, Nyiramajyambere na Kazeneza n’andi.

Perezida Paul Kagame yavuze ko nubwo COVID-19 yatumye ibikorwa byo gusura u Rwanda bihagarara, ubu ngo amarembo arafunguye kubifuza gusura u Rwanda.

Tanga Igitekerezo ukoresheje Facebook

SHARE