Abandi bantu 5 basanzwemo Coronavirus mu Rwanda, bose hamwe baba 75

Kuri uyu wa Kabiri tariki 31 Werurwe 2020 mu Rwanda habonetse abandi bantu batanu banduye icyorezo cya Coronavirus, umubare wabamaze kucyandura uhita ugera kuri 75.

Mu itangazo rya Minisiteri y’Ubuzima  rivuga ko aba bashya basanganywe iki cyorezo biganjemo abavuye hanze y’u Rwanda bageze mu gihugu bagahita bashyirwa mu kato.

Harimo abantu bane baje baturutse Dubai bahita bashyirwa mu kato n’umuntu umwe watahuwe ko yahuye n’undi urwaye Coronavirus mu Rwanda, ahita ashyirwa mu kato.

Iyi minisiteri ivuga ko abarwayi bose barimo kuvurirwa ahantu habugenewe kandi barimo koroherwa. Abenshi muri bo ubu nta bimenyetso bya Coronavirus bagaragaza. Nta n’umwe urembye. Hanashakishijwe abantu bose bahuye nabo kugira ngo basuzumwe ndetse bitabweho n’inzego z’ubuzima.

 

 

Tanga Igitekerezo ukoresheje Facebook

SHARE