Abanduye Coronavirus mu Rwanda bageze kuri 84

Kuri uyu wa Kane tariki 2 Mata 2020 mu Rwanda habonetse abandi bantu 2 banduye icyorezo cya Coronavirus, umubare wabamaze kucyandura uhita ugera kuri 84.

Itangazo rya Minisiteri y’Ubuzima  rivuga ko aba barwayi bashya ari abantu babiri baherutse kugirira ingendo mu bihugu bitandukanye. Bahise bashyirwa mu kato, hanashakishwa abantu bose bahuye nabo kugira ngo basuzumwe ndetse bitabweho n’inzego z’ubuzima.

Iyi minsiteri kandi isaba Abaturarwanda bose gukomeza kwitwararika, bakurikiza ingamba zafashwe na Leta y’u Rwanda. Ingamba zongerewe igihe kandi zigomba gukomeza gushyirwa mu bikorwa.

Abantu bose bageze mu Rwanda mu byumweru bibiri bazashyirwa mu kato mu gihe cy’iminsi 14, uhereye igihe bagereye mu Rwanda.

 

 

Tanga Igitekerezo ukoresheje Facebook

SHARE