Abantu 20 basanzwemo Coronavirus mu Rwanda, 15 baturuka i Rusizi

Minisiteri y’Ubuzima iratangaza ko kuri uyu wa Gatandatu tariki 27 Kamena 2020 mu Rwanda habonetse abarwayi bashya makumyabiri ba COVID-19.

Abo barwayi makumyabiri babonetse mu bipimo 4,749 byafashwe kuri uyu wa Gatandatu,
abamaze kuboneka mu Rwanda banduye icyo cyorezo bose hamwe baba 878.

Minisiteri y’Ubuzima iravuga ko abo barwayi bashya 20 barimo abagaragaye i Rusizi cumi na batau (15), i Rubavu habonetse batatu (3), naho abandi babiri (2) bagaragaye i Kigali.

Abantu cumi na batanu mu bari barwaye bakize, abamaze gukira bose hamwe baba 413, naho abakirwaye ni 463.

Abamaze kwicwa n’icyo cyorezo mu Rwanda ni babiri.

Minisiteri y’Ubuzima isaba abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.

Tanga Igitekerezo ukoresheje Facebook

SHARE