Abanyarwenya Klint da Drunk wo muri Nigeria na Dr OFWeneke wo muri Kenya bategerejwe i Kigali mu gitaramo cya Seka Live

Nyuma yaho ibitaramo by’urwenya bya Seka Live bigizwe ngaruka kwezi, kuri iki Cyumweru tariki ya 24 Ugushyingo 2014 kirahuriza i Kigali abanyarwenya bakomeye kumugabane aho bazafatanya n’abimbere mu gihugu gususurutsa abanya-Kigali mu nzenya zitandukanye.

Iki gitaramo gitegurwa na Arthur Nation y’umunyarwenya akaba n’umunyamakuru Nkusi Arhur ifatanyije na RG Consult, kizabera muri Marriott Hotel kikaba cyaratumiwemo umunyarwenya uri mu bakomeye muri Nigeria, Kint Da Drunk ndetse Dr Ofweneke wo muri Kenya.

Aba banyarwenya bazafatanya n’abandi bakomeye mu Rwanda n’abarimo kuzamuka nka Patrick, Milly, Merci, Divine wamamaye nka Mabuja na Zaba Missed Call n’abandi.

Itsinda ry’abanyamuziki rya Neptunez Band ndetse na Nep Djs nabo bazasusurutsa abazaba bitabiriye iki gitaramo cy’urwenya.

Umuyobozi muri Arthur Nation, Nice Budandi avuga ko iki gitaramo kizajya kiba buri Cyumweru cyanyuma cy’ukwezi. Kuri buri nshuro kikazajya gitumirwamo abanyarwenya babiri baturutse mu mahanga bagafatanya n’abimbere mu gihugu, mu gihe muri Werurwe buri mwaka hazajya haba Seka Festival.

Iki gitaramo cy’uku kwezi kizabera muri Kigali Marriott Hotel guhera saa kumi n’ebyiri z’umugoroba, kwinjira bikaba ari 10 000 Frw na 20 000 frw mu myanya y’icyubahiro.

Nkusi-Arthur umuyobozi wa Arthur Nation akaba ari nawe utegura ibitaramo bya Seka Live.

 

 

Tanga Igitekerezo ukoresheje Facebook

SHARE