Abari inyuma y’itumbagira rya Wasafi, imyaka 5 abahanzi bamaze kwamamara bidasanzwe muri Tanzania, mu Rwanda bishobora kuzafata imyaka irenga 10 kugirango tugire umuhanzi nka Diamond.

Abo twatangiranye 2021 ndabasuhuje!

Wowe uri gusoma iyi nkuru ndabizi uri umukunzi w’umuziki, ushobora kuba udakunda umuziki wo mu Rwanda, uwo muri Nigeria , uwo muri Amerika cyangwa uw’abashinwa sinahamya neza umuziki ukunda ariko ndabizi uri umukunzi wa muzika.

Muzika ifite abakunzi benshi nanjye ndimo kuko n’ubu nandika iyi nkuru mfite urutonde rw’indirimbo zirenga 50 zirikumfasha gususuruka muri aka kanya, ngendeye ku marangamutima yanjye, indirimbo ziganjye muzo ndikumva ku mwanya wambere n’inyarwanda, ku wa kabiri izo muri Nigeria, uwa Gatatu Tanzania, umunyamerika nubwo yadufatishije cyane ariko ubu aza inyuma.

Tanzania irayoboye mukugira abahanzi benshi batanga icyizere mukuyobora umuziki wa Afurika, abo Diamond yiremeye bafite umuvuduko udasanzwe.

Umuntu udakurikirana cyane iby’umuziki ashobora kugirango muri Tanzania ntabandi bahanzi bahari atari ababarizwa mu munzu itunganya ikanamenyekanisha muzika ya Wasafi Clasic Baby(WCB).

Diamond ni muyobozi mukuru wa WASAFI ni nawe wayishinze

Mu myaka 10 ishize WCB niyo yigaruriye imitima y’abakunzi benshi b’umuziki muri Afurika y’Uburasirazuba.

IMIBARE NTIBESHYA! Ubu umuhanzi ukunzwe arareberwa kuburyo akurikirwa kumbuga nkoranyambaga, urubuga rwa youtube rushyirwaho indirimbo z’abahanzi, ubu rwaba umuhamya mwiza w’ukuntu abahanzi bo muri Tanzania bakunzwe, urugero rwiza ni Diamond kuko ubu niwe uyoboye abandi mukugira ibihangano byarebwe cyane mubahanzi babarizwa munsi y’ubutayu bwa Sahara.

Kuva muri Tax za Matatu, muri Club, mu bukwe, ibirori byo kwizihiza isabukuru, abashaka kubyinira murugo ndabizi neza ntabwo kurutonde rw’indirimbo bumva haba higanjemo iza Diamond cg undi muhazi ubarizwa muri Wasafi.

Nyuma yo kubona ko aba hanzi bakunzwe, nibande bagize uruhare runini kugirango aba bahanzi bamenyekane kuri uru rwego?

Ababigizemo uruhane ni ikipe nini cyane kuburyo ntawundi muhanzi ndabonana ikipe nkiyi mu Rwanda ndetse unasesenguye neza ukareba uburyo abahanzi bo mu Rwanda bakora ubonako ntamuhanzi dufite wafungura n’udushumi tw’inkweto byibuze tw’umuhanzi umwe mu babarizwa muri Wasafi, Urebye neza nta muhanzi w’umunyarwanda utanga icyizere kuburyo mu myaka 10 yaba ari nko kurwego Diamond agezeho uyu munsi.

Abari inyuma y’itumbagira rya Wasafi

1.Harmonize

Rajabu Abdul Kahali, azwi nka Harmonize niwe muhanzi wambere wasinye amasezerano na Wasafi records.

Yatangiye umwuga we wa muzika mu 2011, Muri 2015 ni bwo yahuye na Diamond Platnumz maze asinyira muri WCB byahise bimufasha kumenyekana ku rwego mpuzamahanga.

Diamond na Harmonize bakoranye kugeza muri 2019 ubwo Harmonize yavaga muri Wasafi atangira kwikorana ubu nawe yashinze Label ye ifasha abahanzi ndetse nayo iri muzitanga icyizere muri Tanzania

Konde Music Worldwide ya Harmonize imaze gusinyisha abahanzi barenga 5

Indirimbo ze zizwi cyane zirimo ‘Kainama’, ‘Aiyola’ na ‘Nishachoka’.

2. RAYVANNY

Raymond Shaban Mwakyusa, uzwi cyane ku izina rya Rayvanny, niwe muhanzi wa kabiri wasinyemuri Wasafi.

Uyu musore yinjiye muri Wasafi nta muntu usanzwe amuzi muri Tanzania akimara kugeramo yahise amenyekana cyane kuburyo yahise anatwara igihembo gikomeye cya BET Awards.

Yakoranye n’abahanzi bakomeye barimo abo muri Nigeria nka Patoranking, umuraperi wo muri Amerika Pitbull, umuhanzi Mahombi umukongomani uba muri Suwede.

Kugeza ubu Rayvanny abamukurikirana barenga miliyoni 2.4 kuri YouTube.

3. MBOSSO

Mbwana Yusuf Kilungi – uzwi cyane ku izina ry’ubuhanzi rya Mbosso – yahoze ari umwe mu bagize itsinda ryamamaye ry’abahungu, Mkubwa na Wanawe Band, nyuma yaje gusubira mu itsinda rya Yamoto Band ryaje gusenyuka bituma uyu muhanzi ajya kwikinira umupira iwabo mucyaro ari naho Diamond yamukuye.

Mbosso yinjiye muri Wasafi muri 2018, kuri ubu amaze kwamamara cyane kuburyo na Bruce Melody umaze imyaka irenga 10 atapfa kumushyigura.

Mbosso umwaka ushize yahawe ikirango cya Zahabu na youtube kuko yarengeje abasaga Miliyoni bamukurikirana kuri youtube.

4. Rich MAVOKO

Birashoboka ko ari umwe mu bahanzi bake bashoboye kubona amasezerano na Wasafi, ariko manda ye muri label yamaze igihe gito kuko atabashije kugendera kumuvuduko w’abamukoreshaga ndetse ibi byaje kugaragazwa nuko yavuye muri Wasafi agahita aburirwa irengero kuko ntagikora umuziki nkuko yawukoraga mbere.

5. Queen DARLEEN

Uyu ni umukobwa wa muzehe Naseeb Abdoul byavugwako ari nawe Se wa Diamond, uyu mukobwa abenshi bamuzi nka mushiki wa Diamond.

Uyu mukobwa yatangiye uregendo rwe rwa muzika ahagana muri 2000 ariko ntiyigeze amenyekana cyane nkuko azwi ubu.

6. Lava Lava

Mu myaka 4 amaze mu muzika amaze gutumbagira cyane muri Tanzania.

Uyu musore yasinye muri Wasafi ubwo yagaragaraga yakoze Cover yimye mu ndirimbo za Diamond byatumye bamubonamo impano ikomeye bituma bamuha amasezerano yo gukorana nawe.

7. ZUCHU

Uyu mukobwa ukomoka Zanzibar ni umukobwa w’umuhanzi nawe wakunzwe munjyana za Tarabu, uyu mukobwa yabanjye kuba mubafasha Diamond kuryoshya amajwi y’indirimbo ze nyuma baza kumuha amasezerano batangira kumufasha nk’umuhanzi.

Ubu nawe amaze kwamamara cyane muri Tanzania, afite indirimbo nshya yise “Sukari”imaze kurebwa n’abarenga miliyoni 2 mu kwezi kumwe.

Uyu mukobwa yakoze amateka ko ariwe muhanzi wagize abamukurikirana mugihe gito abarenga ibihumbi 100 mucyumweru kimwe kuri youtube.

8. RJ DJ

Ni umwe muba dj bamaze kwamamara cyane muri Tanzania, Rj Dj ni mubyara wa Diamond bombi bakuze ari inshuti magara kugeza n’uyu munsi.

Aherutse gushyira ahagaragara alubumu ye ya mbere yise ‘Impinduka’, igaragaramo abahanzi batandukanye bo muri label ya Wasafi, barimo Diamond Platnumz, Rayvanny, Mboso, Zuchu, Jose Chameleon wo muri Uganda na Khaligraph Jones ukomoka muri Kenya ndetse na Meddy.

9. LIZER

Iraju Hamisi Mjege, uzwi cyane ku izina rya Lizer, ni moteri inyuma y’indirimbo zose za zakunzwe muri WCB. Guhura kwe na Diamond ntabwo byatewe n’amahirwe, kuko yari amaze kwigaragaza nka producer mwiza muri Tanzania.

10. Babu Tale

Tale yari mu bantu bakomeye muri WCB bagize uruhare mu gufata ibyemezo bikomeye bijyanye n’imibereho myiza yikimenyetso cyitumbagira rya WCB.

Umuyobozi ushinzwe impano akaba n’umuyobozi  wa Diamond Platnumz. Yibanze cyane cyane ku bijyanye n’ubucuruzi bwa Diamond muri Tanzaniya. Icyakora, aherutse kujya muri politiki nyuma yo gutorerwa kuba Umudepite mu Ntara y’Amajyepfo ya Morogoro ku itike ya Chama Cha Mapinduzi.

11. SALLAM SK

Sallam kandi ni umwe mubagize itsinda rishinzwe gukemura ibibazo bya Diamond Platnumz na Wasafi Records. Uruhare rwe nyamukuru ni ugukemura ibibazo byubucuruzi mpuzamahanga bya Diamond, harimo ingendo n’ibitaramo hanze ya Tanzaniya.

Aba bose tukubwiye niho barim kuruhembe rw’imbere ku itumbagira rya WASAFI muri East Africa, si aba gusa kuko ntidushyizemo, ababyinnyi, abafata amashusho n’amafoto, gusa ikigaragara ni uko ubinako Diamond ubwami bwe yabwubatse neza cyane ndetse ubonako afite gahunda ihamye mukugeza muzika ya Tanzania kure hashoboka.

Ese mu Rwanda mubona hari umuhanzi uri kugerageza kuburyo mu myaka 10 yaba ari kurwego nk’urwa Diamond?

 

Tanga Igitekerezo ukoresheje Facebook

SHARE

1 IGITEKEREZO