Abashinzwe ibizamini bya Leta bamaganye ibihuha byavugako amanota yasohotse ndetse hari n’abatangiye kwireba

Hashize iminsi kumbuga nkoranyambaga hakwirakwizwa ubutumwa busaba abanyeshuri bakoze ibizamini bya Leta, uyu mwaka, kureba amanota yabo.

Ikigo cy’igihugu cy’uburezi REB gishinzwe gutangaza amanota y’abakoze ibizamini bya Leta cyahakanye aya makuru, gisaba abayabonye ko bayafata nk’ibihuha nyamara ntibigeze batangaza igihe amanota azasohokera mugihe biteganyijwe umwaka w’amashuri uzatangira taliki ya 6 Mutarama 2020.

REB yasohoye itangazo rigira riti “Ikigo cy’Igihugu gishinzwe guteza imbere uburezi (REB) kirasaba abantu bose kudaha agaciro amakuru ari gucicikana kumbuga nkoranyambaga(social media) avuga itangazwa ry’amanota y’ibizamini bya Leta mu mwaka w’amashuri wa 2019. Ayo makuru ni ibihuha!”

Tariki ya 04 Ugushingo 2019 hirya no hino mu Rwanda abanyeshuri basoza umwaka wa gatandatu w’amashuri abanza batangiye gukora ibizamini bya leta bisoza amashuri abanza.

Ministeri y’uburezi ivuga ko uyu mwaka w’amashuri wa 2019, ikizamini cya leta gisoza aya mashuri abanza cyakozwe n’abanyeshuri 286 087.Barimo abahungu 131 748, n’abakobwa 154 339 .

Tanga Igitekerezo ukoresheje Facebook

SHARE