Abaturage batangiye gusaba ko ikibuga cy’indege cya Bugesera cyazitirirwa Perezida Kagame

IBM Radio Listen Live

KANDA HANO UREBE VIDEO

Abanyarwanda batandukanye batangiye gusaba ko ikibuga cy’indege mpuzamahanga kigiye kwubakwa mu Bugesera cyazitirirwa Perezida Paul Kagame, kubera aho agejeje igihugu nyuma ya Jenoside yakorewe abatutsi mu1994.

Igishushanyombonera cy’ikibuga cy’indege cya Bugesera.

Kwitirira Kagame iki kibuga cy’indege ni ubusabe (petition) bugaragara ku rubuga runyuzwaho ubusabe butandukanye rwa ‘change.org’, ubwo iyi nkuru yandikwaga bukaba bwari bumaze gusinywaho n’Abanyarwanda basaga 179.

Karekezi Parfait watangije ubu busabe avuga ko Perezida Paul Kagame ‘Intore izirusha Intambwe’, yakoze byinshi byiza kandi akabikorana ubutwari burenze imyumvire y’Abanyarwanda.

Yagize ati “Sinarondora ibyiza yatugejejeho ariko icyo nemeza neza, ni intwari y’u Rwanda kandi Abanyarwanda turamukunda cyane. Ni muri ubwo buryo nk’uko Itegeko Nshinga rya Repubulika y’u Rwanda ribinyemerera, nshyizeho ubu busabe ngo ikibuga cy’indege cya Bugesera kizitwe “Paul Kagame International Airport.”

Kuwa Gatatu w’iki cyumweru nibwo Perezida Paul Kagame uherutse gutorerwa kwongera kuyobora u Rwanda, yashyize ibuye ry’ifatizo ahazubakwa ikibuga Mpuzamahanga cy’indege cya Bugesera, yizeza ko uyu mushinga nta kabuza uzarangira vuba ugafasha u Rwanda kugera ku iterambere rwifuza.

Iki kibuga cy’indege kizubakwa mu byiciro bibiri ku bufatanye bwa Guverinoma y’u Rwanda n’ikigo Mota-Engil Africa cyo muri Portugal.

Biteganyijwe ko icyiciro cya mbere cy’iki kibuga cy’indege cya Bugesera kizarangira mu 2019 gitwaye miliyoni 400 z’amadorali, ariko indege zikazatangira kugikoresha mu ntangiriro za 2020 bitewe n’ubugenzuzi bw’ikigo mpuzamahanga gishinzwe iby’indege.

Ikibuga cy’indege cya Bugesera kizaba gifite icyanya cy’abagenzi kingana na metero kare 30 000, imiryango 10, ibiro by’abinjira 10, iby’abasohoka 10.

Paul Kagame ashyira ibuye ry’ifatizo ahatangiye imirimo yo kwuba iki kibuga cy’indege.

 

 

Ivan Heritier

4,053 total views, 85 views today

Comments

comments




Leave a Reply

Your email address will not be published. Required fields are marked *