Agenda yambaye agapfukamunwa gakoze muri Zahabu, yakaguze arenga miliyoni 3, aba yumva aribwo yikingiye neza icyorezo cya koronavirus(Amafoto)

Umugabo wo mugihugu cy’Ubuhinde akomeje gutangaza benshi kubera kugenda munzira yambaye agapfukamunwa ka zahabu, avugako kamufasha kwirinda icyorezo cya koronavirus.

Uyu mugabo w’Umuhinde yavuze ko yishyuye amadorari agera ku bihumbi 4000 y’amerika, ubwo ni ukuvuga agera kuri miliyoni 3,813,447 mu mafaranga y’u Rwanda, ahamyako aka gapfukamunwa ariko yabonye keza cyane kamurinda icyorezo cya koronavirus cyugarije isi by’umwihariko mugihugu atuyemo.

Yambara agapfukamunwa gakozwe muri Zahabu

Ubusanzwe uyu mugabo ni umucuruzi, yitwa  Shankar Kurhade, akomoka mu mujyi wa Pune wo mu burengerazuba bw’Ubuhinde, yatangaje ko icyuma cy’agaciro gitwikiriye aka gapfukamunwa gipima garama 60, abanyabukorikori bagakoze byabafashe iminsi umunani.

Shankar yagize ati: “Ni mask yoroheje kandi ifite utwobo duto tumfasha guhumeka.”

Yongeyeho ati: “Sinzi neza niba bizagira akamaro kundinda indwara ya coronavirus ariko ndabizi neza ko nikingiye”.

Uyu mugabo w’imyaka 49 y’amavuko, yavuzeko akunda imirimbo cyane cyane ikozwe muri zahabu, ngo iyo asohotse murugo aba yambaye imitako ya zahabu ipima ikiro, harimo igikomo, urunigi n’impeta kuri buri rutoki rw’ukuboko kwe kw’iburyo.

Aho anyuze hose baramurangarira

Uyu mugabo asanzwe afite ikompanyi yubaka aho inganda zikorera (industrial sheds) avuga ko igitekerezo cyo gukoresha agapfukamunwa gakoze muri zahabu yakigize nyuma yo kubona mu itangazamakuru undi muntu wari wakoresheje agakoze muri ‘silver’ ifite agaciro kari munsi y’aka zahabu.

Avugako abantu basigaye bamurangarira cyane ndetse bamwe bakamusaba kwifotozanya nawe kubera gutangarira aka gapfukamunwa ka zahabu aba yambaye ati: “Abantu baransaba kwifotoza.” Arongera ti: “Barumiwe iyo bambonye nambaye mask ya zahabu ku masoko.”

Uyu mugabo w’imyaka 49 y’amavuko, yavuzeko akunda imirimbo cyane cyane ikozwe muri zahabu

Ubuhinde bwashyizeho agapfukamunwa ahantu rusange kugira ngo babashe kwirinda ikwirakwizwa rya virusi ya Corona muri iki gihugu, Ubuhinde bafite abantu bagera kuri 650.000 banduye Koronavirus hamaze gupfa abantu barenga 18.600.

Tanga Igitekerezo ukoresheje Facebook

SHARE