Search

Ahmad ukomoka muri Madagascar niwe watorewe gusimbura Issa Hayatou kubuyobozi bwa CAF

IBM Radio Listen Live

KANDA HANO UREBE VIDEO

Ahmad usanzwe uyobora ishyirahamwe ry’umupira w’amaguru muri Madagascar niwe watorewe kuyobora ishyirahamwe ry’umupira w’amaguru muri Africa (CAF) nyuma yo gutsinda umunyacameroun Issa Hayatou wari usanzwe ayobora irishyirahamwe mu matora yabereye i Addis Ababa muri Ethiopia.

Ahmad niwe watorewe kuyobora ishyirahamwe nyafurika ry’umupira w’amaguru (CAF).

Kuru uyu wa kane, kuwa 16 Werurwe 2017 nibwo i Addis Ababa muri Ethiopia habereye amatora y’umuyobozi mukuru wa CAF ugomba gusimbura umunyacameroun Issa Hayatou wari umaze imyaka 29 ayobora iri shyirahamwe ariko akaba nawe yari yongeye kwiyamamaza.

Aya matora yarangiye Ahmad atsinze Issa Hayatou ku majwi 34 kuri 20 mu gihe inteko itora yari igizwe n’abantu 54.
Ahmad w’imyaka 57 yahise aba perezida wa 7 wa CAF kuva yabaho mu myaka 60 imaze.

Akimara gutangazwako ari watsinze aya matora yavuze ko iyi ari intsinzi iryoshye kandi ngo iyo ugerageje gukora ikintu nuko uba ushoboye koko, niyo utabishoboye ntiwirirwa uniyerekana.

Uyumunyamadagascar ufite izina rimwe gusa, Ahmad yayoboye ishyirahamwe ry’umupira w’amaguru iwabo kuva muri 2003. Akaba agiye kuyobora CAF muri manda y’imyaka 4, akaba yitezweho kugaragaza impinduka mu mupira w’amaguru muri Africa.

Benshi bishimiye Issa Hayatou w’imyaka 70, ibyiza yakoze ariko kandi banishimira impinduka zibaye mumyaka 29 yari ishize mu buyobozi bw’umupira w’amaguru muri Afurika.

 

Ivan Heritier

Comments

comments




Leave a Reply

Your email address will not be published. Required fields are marked *