Aime Bosenibamwe yizeje ubufasha bwo gutabara Umuhanzi Abouba Star wagizweho ingaruka n’ibiyobyabwenge

Umuhanzi Ndayifite Abouba wamamaye mu muziki mu mwaka wa 2008 kuzamura ku mazina ya Abouba Star mu karere ka Rubavu aratabarizwa n’abahisi n’abagenzi kubera kuzahazwa n’ibiyobyabwenge. Nyamara abo mu muryango we bavuga ko ari amarozi baroze umwana wabo bagasaba ubufasha bwo kumuvuza.

Uyu muhanzi wakoze indirimbo zasigaye ku mitima ya benshi mu karere ka Rubavu nka Goreti, Nyampinga,Zaninka n’izindi.n’izina ritari ryoroshye mu muziki mu myaka itambutse Abahanzi barimo Meddy, The Ben, King James n’abandi nta gushidikanya baramwibuka kuko nta gitaramo bari kubonamo abafana i Rubavu batitwaje Abouba Star wari umuhanga mu kuririmba.

Uko Abouba Star yagendaga yamamara niko yinjiraga mu bikundi byari byiganjemo abanywatabi(urumogi) iyari impano ishashagirana igenda izimira, agenda afungwa bya hato na hato kubera gukoresha ibiyobyabwenge urugendo rwa Abouba Star mu muziki ruracumbagira gusa hambere yanyuzagamo akaririmba mu tubari aho yakuraga udufaranga ducye atarangirika ku buryo bukomeye.

Abouba Star atarahindukwa n’ubuzima kubera ibiyobyabwenge

Muri ibi bihe benshi mu bahura n’uyu muhanzi mu duce twa Byahi, Buhuru na Madjengo mu mujyi wa Gisenyi bavuga ko Abouba Star acyeneye ubufasha bwihariye akaba yajyanwa Iwawa kugororwa wenda akagarura ubuzima.

“Abouba yarangiritse bikomeye, ubu icyamufasha si uguhabwa 1000Frw cyangwa 5000Frw mbona yajyanwa nk’IWAWA akagororwa wenda yagaruka ari muzima kuko ubu icyakorwa cyose wapi “

Bamwe mu banyamuziki n’abakora ibikorwa by’imyidagaduro i Rubavu bavuga ko Abouba Star urwego agezeho ari urw’ubuvuzi bwihariye cyangwa akajyanwa kugororwa Iwawa akajya kure y’ibiyobyabwenge.

“Abouba akwiriye gukorerwa ubuvuzi bwihariye akitabwaho cyangwa akajyanwa Iwawa akagororwa akazavayo ameze neza nk’uko bamwe mu bahanzi bahanyuze bagarutse bameze neza “

N’ubwo ariko abantu bavuga ko Abouba Star yasabitswe n’ibiyobyabwenge bikaba byaramuteye igisa n’uburwayi bwo mu mutwe abo mu muryango we bavuga ko Abouba yarozwe.

Mushiki we mu kiganiro na IBYAMAMARE.COM yagize ati :
” Siwe wa mbere waba unyoye ibiyobyabwenge ku buryo yamera uko ameze, Abouba ntanywa inzoga gusa mbere yanywaga itabi ariko sibyo byamugize uku.bamuroze gutoragura imyanda n’amashashi “

Uku niko Abouba Star asigaye ameze. abo mu muryango we basanga yararozwe atari ibiyobyabwenge gusa

Uyu mushiki we akomeza avuga ko Abouba yarwaye mu mutwe kuburyo bamujyanye no kwa muganga haba mu bitaro bikuru bya Gisenyi ndetse no mu kinyarwanda ariko hose byanze maze Nyina umubyara agacika intege kubera amafaranga yaramaze kumushiraho.

“Mama yacitse intege aho agiye bamurya amafaranga ariko ntakire. Ubu baratubwiye ngo tuzajye kumupimisha barebe niba ari ibiyobyabwenge byamuzahaje turifuza ubuvugizi bushoboka kugira ngo yongere amere neza “

Murumuna we witwa Ismail mu majwi Ibyamamare.com ifite avuga ko ubuzima bwa Abouba bugeze habi kuburyo asigaye agira n’ikibazo akumva yakwiyambura ubuzima

“Ubuzima bwa Abouba burababaje ku buryo utabasha kumva, Abouba ageze aho nawe yumva yanze ubuzima. njye mbana nawe mba mucungira hafi ku buryo n’ibiyobyabwenge atakibifata ariko rwose uwagira icyo adufasha yadutabara”

Ku murongo wa Telefone Umuyobozi w’ikigo k’Igihugu gishinzwe Igororamuco, RNS, Bosenibamwe Aimé, Yatangarije umunyamakuru wa IBYAMAMARE.COM inzira binyuramo ngo uwasabitswe n’ibiyobyabwenge ajyanwe kugororwa.

” Iyo umuntu yasabitswe n’ibiyobyabwenge mutubwira uwo ariwe naho aherereye hanyuma tukamushiraho amaboko mu buryo bwo kumufasha icyo gihe iyo dusanze byaramusabitse abinywa cyane bitewe n’aho atuye tubwira Polisi niyo ifite ububasha bwo gufata umuntu nk’uwo agashyikirizwa transit center “

Bosenibamwe akomeza avuga ibikurikira iyo uwasabitswe n’ibiyobyabwenge ageze muri Transit Center

“Iyo agejwejwe muri transit center ahamara iminsi runaka agahabwa ubujyanama iyo atabaye imbata yabyo asubira murugo iyo yabaye imbata rero biragoye ko yapfa kubireka we ubwe yabyibwirije ubwo aba umukandida wo kujyanwa mu bigo ngororamuco iyo ari umugore ajyanwa i Gitagata, iyo ari umugabo ajyanwa i Nyamagabe cyangwa Iwawa”

Ku kibazo cy’uyu muhanzi Bosenibamwe yagize ati :

” Uwo tuzamufasha iyi Gahunda ya Guma mu rugo nirangira uzanyibutse tubikurikurane turebe ko twaramira ubuzima bwe amazi atararenga inkombe.twamuha ubuvuzi bw’ibanze kuko dufite ababishinzwe byaba ari ibikomeye tukabikurikirana nta kibazo”

Aime Bosenibamwe

Abafite aho bahuriye n’imyidagaduro mu karere ka Rubavu batangije ubukangurambaga bwo gutabara uyu muhanzi binyuze kuri  Watsaap rwo guhuza imbaraga ngo barebe ko hari umusanzu batanga mu gufasha Abouba Star .rwiswe #WeForAbouba kuri numero ya Watasap +250788533131 aho buri umwe wese ugira umutima w’urukundo yafasha uyu muhanzi uko yifite.

Uku niko Abouba Star asigaye ameze. abo mu muryango we basanga yararozwe atari ibiyobyabwenge gusa

Goreti indirimbo ya Abouba Star yabiciye bigacika

Tanga Igitekerezo ukoresheje Facebook

SHARE