Airtel Rwanda yahaye abamotari udupfukamunwa 10,000 nyuma yo kubaha amajile n’uburyo bushya bwo kwishyurwa

Kuri uyu wa Gatatu kuya 3 Kamena 2020 nibwo abakora umwuga wo gutwara abantu kuri moto bongeye gusubukura imirimo yabo mu Rwanda. Sosiyete y’itumanaho ya Airtel binyuze mu bufatanye yagiranye n’ishyirahamwe ry’abamotari, yabahaye udupfukamunwa two kubafasha gukora akazi kabo birinda Coronavirus.

Utu dupfukamunwa tugera ku 10,000 twahawe abamotari bakorera mu mujyi wa Kigali, tukaba twitezweho kuzabafasha kwirinda ndetse bakanarinda abandi icyorezo cya Covid-19 gihangayikishije Isi kuri ubu.

Airtel ihaye abamotari udupfukamunwa nyuma yuko ibashyiriyeho uburyo bworoshye bwo kwishyurwa kuri telephone hirindwa ihererekanya ry’amafaranga rishobora gukwirakwiza icyorezo cya Coronavirus ndetse banabaha umwambaro mushya (jile).

Uburyo bushya bwo kwishyura abamotari ni ugukanda *544# ubundi ugakurikiza amabwiriza.

Mu rwego rwo gukomeza guha abakiriya serivisi zibanogeye, Airtel Rwanda yatangaje ikoreshwa rya My Airtel App, aho abakiriya babasha gukorera ibintu bitandukanye nko kugura ama inite, interineti, sms cyangwa amafaranga basigaranye kuri Airtel Money, kugura pack za interineti n’izo guhamagara, kugura ibicuruzwa na serivisi.

 

Tanga Igitekerezo ukoresheje Facebook

SHARE