Airtel yadabagije abakiliya ivugurura ama paki yo guhamagara imirongo yose inongera iminota

Airtel Rwanda itanga serivisi zitumanaho zishimwa na benshi, ubu yongeye kudabagiza abakiliya bayo ibazanira packi (packs) zivuguruye zikoreshwa ku mirongo yose ndetse inongera iminota kuburyo bazabasha guhamagara nta nkomyi.

Kuri uyu wa Kane tariki ya 4 Gashyantare 2021 nibwo Airtel yashyize ku mugaragaro izi paki (packs)zivuguruye.

Bwana Amit Chawla umuyobozi mukuru wa Airtel Rwanda mugutangiza izi paki yavuze ko bazitangije mu kwongerera abakiliya babo amahitamo ndetse babashe no guhamagara ku mirongo yose iminota ingana kandi badahenzwe.

Yagize ati “Twongereye umubare w’amahitamo umukiriya afite tuyageza kuri pack 3 zimara umunsi na pack 3 z’icyumweru, tunakora ibishoboka ngo iminota bahabwa yo guhamagara  ku mirongo yose ibe ingana.”

Iyo umukiriya akanze *255*3# ahabwa amahitamo hagati ya pack  y’umunsi  igura make kurusha izindi ku 100Frw ikamuha iminota 10 yo guhamagaza Airtel n’indi minota 10 yo guhamagaza undi murongo hamwe na SMS 10. Ku rundi ruhande, umukiriya ashobora guhitamo pack ya 200Frw imuha iminota 35 ahamagaza kuri Airtel na 35 ahamagaza undi murongo hamwe na SMS 10. Iyi pack nayo imara amasaha 24

Iri vugurura kandi rizanye na pack z’icyumweru z’Imirongo Yose zihera ku frw 500, umukiriya agahabwa iminota 50 yo guhamagaza Airtel na 70 yo guhamagara ku wundi murongo hamwe na SMS 10.

Ikindi, twongereye iminota twatangaga kuri pack ya 1000Frw, aho umukiriya azajya ahabwa azajya ahabwa iminota 160 ahamagaza Airtel na 160 ahamagaza undi murongo hamwe na SMS 10. Noneho hakaba na pack y’icyumweru irenze izindi ku FRW 1,500 umukiriya agahabwa iminota 280 ahamagaza kuri Airtel na 280 ahamagaza undi murongo hamwe na SMS 10.

Umukiriya ushaka kugura pack y’imirongo Yose, ashobora gukanda *255*3# cyangwa agakoresha My Airtel App agahitamo pack  imunogeye.

Ukeneye ibindi bisobanuro wasura urubuga https://www.airtel.co.rw/. Ushobora kandi kudownloadinga My Airtel App, koresha iyi QR code.

 

Tanga Igitekerezo ukoresheje Facebook

SHARE