Search

Alexis Sanchez yatangaje impamvu yatumye ava muri Arsenal akerekeza Manchester United

IBM Radio Listen Live

KANDA HANO UREBE VIDEO

 Alexis Sanchez rutahizamu mushya wa Manchester United yatangaje impamvu nyamukuru yamuteye kuva mu ikipe ya Arsenal akerekeza muri mucyeba wayo  Manchester United.

Uyu mukinnyi ukomoka mugihugu cya Chile, yatangaje ko ikipe ya Manchester United ariyo kipe ikomeye cyane mugihugu cy’ubwongereza akaba ariyo mpamvu nyamukuru yamuteye kuva muri Arsenal akayerekezamo.

Alexis Sanchez aheruka kugurwa na Manchester United avuye mu ikipe ya Arsenal aho yaje abisikana na Henrikh Mkhitaryan wavuye mu ikipe ya Manchester United akerekeza muri Arsenal.

Uyu mukinnyi ukunzwe cyane n’abakunzi ba Manchester United batari bacye, yatangaje ko yifuza kwegukana buri gikombe cyose gicaracara mugihe cyose ari kumwe n’iyi kipe y’amashitani atukura.

Aganira n’uwahoze ari rutahizamu wa Arsenal witwa Thierry Henry kuri Sky Sport, Alexis Sanchez yatangiye agira ati : « Ndibaza ko kuva nkiri muto kugeza ubu, ikipe ya Manchester United  ari ikipe ikomeye cyane mugihugu cy’ubwongereza.

« ntabwo mvuga ibi kuko ariyo ndimo. Ndi umunyakuri, ntabwo njya mbeshya,Ibyo nibyo ntekereza. Hari amakipe menshi akomeye, kandi kuba narakiniye Arsenal, nayo ni imwe muriyo. Ni ikipe ikomeye kandi nayibayemo.

« Gusa kuza aha (muri Manchester United), nkareba kukirango cy’ikipe, bituma ntekereza ko Manchester United ikeneye kwegukana byose (ibikombe byose), kuko ari ikipe ikomeye cyane. Igitinyiro cy’ikipe ubwacyo kirivugira.

« Naje hano gutwara ibikombe. Navuye muri Arsenal kuko nashakaga gutera imbere, nkiga ndetse nkagira n’ubunararibonye mu ikipe nshya.

« Manchester United ni ikipe ikomeye cyane kuruhando mpuzamahanga. Naje gutwara byose (ibikombe byose). Iyo bitaba ibyo ntabwo mba naraje aha.

 

Richard [email protected]

Comments

comments




Leave a Reply

Your email address will not be published. Required fields are marked *