Search

Alikiba na Ommy Dimpoz bahuje imbaraga kugirango bahangane na Diamond

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Umuhanzi Alikiba wataramiye Abanyarwanda mu gitaramo gitangira umwaka cya ‘East African Party’ afatanyije na mugenzi we Ommy Dimpoz waje amuherekeje, amakuru ahari nuko aba basore bombi biyemeje guhuza imbaraga kugirango bashobore guhangana na mukeba wabo Diamond Platnumz kuri ubu usa nuyoboye umuziki wa Tanzania.

Alikiba yahamagaye Ommy Dimpoz ku rubyiniro baririmbana indirmbo bakoranye yitwa ‘Kajiandae’.

Ali Saleh Kiba wamamaye nka ‘Alikiba’ yari yatumiwe i Kigali aho yagombaga guhurira na Sheebah Karungi wo muri UgandA ndetse n’abandi bahanzi bo mu Rwanda mu gitaramo gitangiza umwaka cya East African Party kiba buri tariki ya 1 Mutarama.

Uyu musore w’imyaka 31 y’amavuko ubwo yasesekaraga ku kibuga cy’indege i Kanombe, benshi mu bari baje kumwakira batunguwe no kubona aje aherekejwe n’umuhanzi mugenzi we Ommy Dimpoz nawe uri mubakomeye muri Tanzania.

Ubusanzwe ntabwo bikunze kubaho ko watumira umuhanzi w’icyamamare mu gihugu ngo aze aherekejwe na mugenzi we nawe w’icyamamare na cyane ko mu minsi isoza umwaka biba bigoye kubafatisha kubera gahunda z’ibitaramo bitandukanye baba bafite.

Ommy Dimpoz waje aherekeje Alikiba yirinze kuvugana n’itangazamakuru ndetse ntiyanagaragaye mu kiganiro n’abanyamakuru cyabaye ku munsi wabanjirije igitaramo. Ibi byatumye benshi bacyeka ko yaba yaje kwitemberera no gusoreza umwaka i Kigali.

Ku munsi w’igitaramo nyirizina ubwo Alikiba yari ku rubyiniro amaze ku ririmba nyinshi mu ndirimbo ze, yaje guhamagara Ommy Dimpoz ku rubyiniro baririmbana indirimbo bafatanyije yitwa ‘Kajiandae’ Alikiba ahita amusiga ku rubyiniro undi akomereza ku z’indi ndirimbo ze zitandukanye bigaragara ko yari yaje muri gahunda yo kumufasha gutaramira Abanyarwanda.

Umunyamakuru w’Ibyamamare.com yaje kwegera umwe mu basore bari mu ikipe yazanye na Alikiba, mu gushaka kumenya impamvu uyu muhanzi yaje gutaramira i Kigali yitwaje Ommy Dimpoz maze amutangariza ko aba basore bombi uretse kuba basanzwe ari inshuti biyemeje no guhuza imbaraga, bakajya bafatanya muri gahunda zabo zitandukanye za muzika bagamije guhangana na Diamond Platnumz.

Ubwo yari mu kiganiro kuri tv 10 mbere y’igitaramo, Alikiba yabajijwe ku mubano we na Diamond maze avuga ko atari inshuti ye ariko atari n’umwanzi we. Akomeza avuga ko atajya aganira cyane na Diamond kandi ntanubwo aringombwa ko baganira kuko buri wese aba arigukora akazi ke.

Alikiba yatumiwe muri East African Party yabaga ku nshuro yayo ya 10 aza aherekejwe na Ommy Dimpoz wanamufashije ku rubyiniro, mu gihe mukeba we Diamond Platnumz yayitumiwemo ubwo yabaga ku nshuro ya 7.

Aba bombi ngo bahuje imbaraga kugirango bahangane na Diamond Platnumz barusha kuririmba ariko akabarusha kwamamara.

Alikiba imbere y’abakunzi be i Kigali.

Ommy Dimpoz yahise asigara ku rubyiniro akomereza ku ndirimbo ze zitandukanye harimo na ‘Kigoma’ yishimiwe bikomeye.

Sheebah Karungi nawe yishimiwe bikomeye muri iki gitaramo.

 

 

Ivan Heritier

Comments

comments




Leave a Reply

Your email address will not be published. Required fields are marked *