Alikiba yashyize hanze indirimbo ahamyako ari mwami w’umuziki muri Tanzania ngo azarinda apfa ntawe uramusimbura (Video)

Umuhanzi uri mubakunzwe cyane muri Tanzania, Alikiba usigaye yiyita King Kiba yashyize hanze indirimbo yise “Mediocre” ahamyako ariwe mwami wa muzika muri Tanzania ndetse ngo ntawe uzamusimbura kugeza apfuye.

Alikiba ni umuhanzi uhora ahanganye na Diamond Platnumz nawe ukunzwe cyane muri Tanzania, aba bombi ntibavuga rumwe ndetse ntawemerako ari munsi y’undi, Diamond yiyita Simba, Alikiba akiyita umwami ndetse n’abafana babo nabo bahora bahanganye kumbugankoranyambaga buriwese ashyigikiye uwo akunda.

Alikiba usigaye yiyita King Kiba yashyize hanze indirimbo yise “Mediocre”

Iyi ndirimbo Alikiba yahsize hanze irimo amagambo, yumvikana nkushaka kugaragaza ko ntamuhanzi numwe umurenze muri Tanzania kugeza apfuye.

Muri iyi ndirimbo Kiba avugako amaze imyaka 18 ari kuruhembe rw’umuheto mu muziki wa Tanzania, muburyo bwo kuzimiza asa nubwira Diamond bahanganye ko we akora umuziki naho Diamond agakora ibitendo byo kwigaragaza gusa bidahuye na muzika

Mukiganiro Alikiba yagiranye n’ikinyamakuru Clouds Fm, yahamijeko umwami ari umwe gusa muri Tanzania

Yagize ati “Umwami ahora ari umwe kandi ntawe ushobora kumusimbura kugeza apfuye, ibyo naririmbye kuri mediocre bifite icyo bivuze”

REBA INDIRIMBO

Ali Saleh Kiba w’imyaka 33 y’amavuko, yamamaye cyane muri East Africa muri 2008, akundwa cyane mu ndirimbo yise “Cinderela” kugeza nuyu munsi aracyari mubayoboye muri Tanzania.

Ali Kiba afite abana 3 yabyaye kubagore batandukanye, yashakanye na Amina Khalef umukobwa wo mu mujyi wa Mombasa muri Kenya

 

Tanga Igitekerezo ukoresheje Facebook

SHARE