Search

Ama G na Oda Paccy bararebana ayingwe nyuma yuko umwe yise undi ‘Kadahumeka’ bapfa amakoma

IBM Radio Listen Live

KANDA HANO UREBE VIDEO

Umuriro watse hagati ya Oda Paccy na Ama G The Black biturutse ku magambo uyu muraperikazi yavugiye mu kiganiro kuri imwe mu ma radiyo akorera mu mujyi wa Kigali, aho yise Ama G ngo ni Kadahumeka irinze amakoma mu rutoki undi nawe ntiyabyihanganira amugenera ubutumwa.

Umuraperi Ama G The Black n’umuraperikazi Oda Paccy ntibacana uwaka intandaro ni amakoma.

Mw’ijoro ryo kuri iki Cyumweru dusoje nibwo Oda Paccy yari yatumiwe mu kiganiro Sunday Night gica kuri radiyo Isango Star maze aza kubazwa n’umunyamakuru icyo avuga ku bahanzi bagenzi be, n’abandi bantu bagaragaye bambaye amakoma bigana ifoto yari aherutse gushyira hanze.

Uyu muraperikazi yasubije ko yashimiye aba bose bamubaye hafi bakamushyigikira, abajijwe kuri Ama G The Black wagaragaye mu mashusho afite amabuye abuza abantu guca amakoma Oda Paccy yavuze ko uyu muraperikazi ari ‘Kadahumeka’ irinze amakoma mu rutoki.

Iyi foto Paccy aherutse gushyira ahagaragara yambaye ubusa akikingiriza ikoma ku myanya y’ibanga, niyo ikuruye amakimbirane hagati ye na Ama G The Black.

Ama G The Black nyuma yo kwumva ko Oda Paccy yamwise Kadahumeka, kuri uyu wa mbere yatangarije Ibyamamare.com ko we asanga uyu muraperikazi yagasubijwe mu itorero ry’igihugu cyane ko iryo bakoranye asanga ibyo bigiyemo byarabaye amasigaracyicaro kuri Paccy.

Yagize ati “Icyambabaje n’uko Oda Paccy yitabiriye itorero, nk’intore yatojwe sinarikubona batera umwaku insina bangiza amakoma ngo mbihorere, Intore ni nkore neza bandebereho. Naho ibyo kunyita kadahumeka ntacyo ndi kadahumeka irinda ibidukikije uwo untuka njye sinamusubiza ariko icyo nifuza ni uko yasubira mu itorero akongera guhabwa amasomo agahindura n’imyambarire ye.”

Ubusanzwe Oda Paccy na Ama G The Black bari basanzwe ari inshuti ariko kuri ubu byahinduye isura biturutse ku makoma.

Ama G The Black ngo arifuza ko Paccy yasubizwa mw’itorero ry’igihugu akanahindura imyambarire.

 

 

Ivan Heritier

Comments

comments




Leave a Reply

Your email address will not be published. Required fields are marked *