Amagambo Cristiano yabwiwe na Se yakoze benshi ku mutima, uyu mukinnyi yavuze icyatumye adakoza inzoga ku munwa kuva yavuka.

Rutahizamu w’umunya- Portugal, Cristiano Ronaldo, ukinira ikipe ya Juventus yavuze amagambo yabwiwe na Se, ahishura n’impamvu atajya asoma kugasembuye kuva yavuka.

Cristiano Ronaldo numero 7 ukina asatira mu ikipe ya Juventus, akaba na kapiteni w’ikipe y’igihugu ya Portugal, uyu ni umwe mubakinnyi bamaze kuba ikirangirire cyane mu mupira w’amaguru, afite ibikombe 5 bya Ballons d’Or abenshi bamufata nk’umukinnyi w’ibihe byose.

Cristiano Ronaldo akiri umwana muto cyane hagati y’ababyeyi be

Uyu mugabo w’abana 4, ahamyako atajya asoma kunzoga kandi ngo ibi byose abiterwa na Se wari warabaswe n’ubusinzi, bigatuma akura avugako atazasoma ku nzoga.

Ubwo uyu mukinnyi yaganiraga n’ikinyamakuru cyo muri Portugal, yavuze inzira y’inzitane yanyuzemo mbere yuko aba icyamamare.

Uyu mukinnyi yahamijeko yavukiye mu muryango ukennye kuburyo atajyaga arota niba azaba igihangange nkuko bimeze ubu.

Cristiano Ronaldo ubu ni umwe mubakinnyi batunze imodoka zihenze cyane ku isi

Ronaldo yavuzeko mugihe yari afite imyaka 7 y’amavuko, nubwo bari bakennye ngo yabwiye Se umubyara ko yifuza kuzagura inzu nk’iya Micheal Jackson hanyuma Se amubwirako izo ari inzozi z’abakire gusa.

Yagize ati “Mfite imyaka 7 nabwiye Papa ko nifuza kugira inzu nkiya Micheal Jackson, hanyuma ambwirako ari inzozi z’abakire.”

Arongera ati “Ibyo ni amahirwe y’abakire gusa.”

Cristiano Ronaldo avugako yakuze afite intego kubera amagambo yabwiwe na Se kuko yumvaga nawe hari icyo azageraho nubwo yari mu mubare w’abana b’abakene muri Portugal.

Cristiano abajijwe impamvu atajya asoma ku nzoga yavuzeko yabitewe nuko Se umubyara yari yarabaswe nazo bityo akabona nawe adakwiye kuzisomaho ndetse ngo inzoga nizo zishe se.

 

Tanga Igitekerezo ukoresheje Facebook

SHARE