Search

AMAROBO NA DRONE, BYOROHEJE AKAZI, BINATERA ABATARI BAKE UBUKENE.

IBM Radio Listen Live

KANDA HANO UREBE VIDEO

Haje ikoranabuhanga ryo gukoresha drone n’amarobo mu gupakira ndetse no gucunga neza ibikoresho mu mazu magari. Izi drone zikaba zikora ijoro n’amanywa. Ubu buryo kandi bukaba bwaranatumwe abatari bake babura kukazi.

Ubu, ibyo gucunga cyangwa gushaka ikintu runaka mu nzu nini z’ububiko bw’ibintu byinshi, ntibikigoye. Drone ziguruka n’amarobo, zakemuye icyo kibazo.  Aya marobo na za drone, bikora neza akazi gusumbya abakozi b’abana b’abantu.

Iri koranabuhanga ryagabanyije ibiciro, ariko ryanatumye abantu benshi Babura akazi. Izi drone zitonda ibintu neza kumurongo zikanabigengura neza ko buri kimwe kiri mu mwanya wacyo mbere yuko zijya gutonda ahandi.

“Ibi si inkuru mbarirano, ni imwe mu inzu nini cyane z’ububiko bw’ibintu byinshi mu gihugu cyose cya Amerika. Iyi nzu ifite ubwikube bw’ibibuga 17 bashyize hamwe”. Byatangaje n’umwe mubakora mu bubiko buciriritse muri Amerika.Yakomeje agira ati: “Izo drone ziba zikora byihuse zikoreshwa na mudasobwa, zikora neza nk’abantu. Zo icyo zirusha abantu nuko zikora buri gihe amanywa n’ijoro kandi zikaba zitaruha nk’abana b’abantu.”

Profeseri wungirije mu itangazamakuru mu kigo cya Massachusetts gishinzwe iby’ikoranabuhanga yagize ati: “Buri mwaka, ibigo bifite ububiko bw’ibintu, bihomba amabiriyoni (Billions) y’amadorari y’Abanyamerika bitewe no kubika nabi ibintu mu nyubako ngari”. Yunze mo ati: “ubu, ibijyanye no gupanda no kubikurikirana buri hamwe, bisaba abakozi benshi kandi bikanatwara igihe kirekire. Ntibyoroshye kugumya ucunga buri kimwe uba washyize muri iyo ngari.”

Drone ebyiri  zishobora gukora akazi kakorwa nabakozi 100 kandi mu gihe kimwe. Ibi bivuze ko bazenguruka mu nzu y’ububiko inshuro nyinshi no mwijoro, bagatanga umusaruro muke ugereranyije na za drone. izi drone zikaba zikora akazi zishinzwe 100%.

Matt Yearling, ushinzwe Pinc, imwe mu mashyirahamwe agurisha amarobo yavuze ko ayo marobo akora neza ku bijyanye no kubika, gutunganya ndetse no gucunga mu nzu y’ububiko kandi zikarengera amamiriyoni y’amadorari menshi. “nta muntu numwe wakora akazi nka drone cyangwa amarobo nkuko bibikora 100%. Mu gukora akazi ziba zishinzwe neza, zifata 95% naho 5% gasigaye ni urujijo.

Ubwo rero iyo inzu y’ububiko harimo ibintu bifite agaciro ka miriyoni 100 z’amadorari ($100m), baba bizeye ko igihe icyaricyo cyose miriyoni zigera muri 5 z’amadorari zishobora guhomba. Kugirango drone zikorwa n’uruganda rwa Pinc ziguruke, zikoresha ingufu za hydrogene. Izi ngufu zituma zimara amasaha abiri mu kirere zikiguruka.

Uruganda rwo mu Bufaransa, Hardis Group, rwashyize ahagaragara drone igenzura yitwa EyeSee banagaragaza uburyo ikora neza. Stephane Cadenet,ushinzwe umutungo w’uru ruganda yagize ati: “ikurikiza neza gahunda n’amabwiriza iba yahawe na porogaramu z’adroid zacu. Kandi iyo twakoz ntigoye na busa kuyikoresha. Nta kuyesitara, nta bikoresho ushyiraho. Ikintu ukora ni kimwe, ni ukuyipakurura.”

Izindi nganda nka Infinium ikora amarobo, nayo yateje imbere uburyo bwo gukoresha drone. muri 2012, uwitwa Net-A-Porter, yavuze ko iyo robo yabo itunganya ikanapakira, ibikora neza 500% kandi inabanguka kurusha umuntu.

Ryar Bax, inzobere mu byerekeye ubushakashatsi mu ruganda rwa Frost na Sullivan, abaonako ikoreshwa rya za drone n’amarobo mu kubika no gucunga ibintu mu nyubako z;ububiko, bizatuma akazi kabura.yanavuzeko nubwo iri koreshwa ry’ibi byuma bituma akazi kabura, ubwenge bwo gutekereza kure buziyongera.

Yakomeje avuga ko iri koranabuhanga rizageraho rigakoreshwa nk’itegeko niba kandi ryaragaragaye nk’irigabanya impanuka mu kazi. Ati: “iri koreshwa ry’iri koranabuhanga, rizatuma inzu z’ububiko zikora gatanu kuri gatanu kandi numutekano waho ube wizewe. Gusa bidatinze, inyungu ziziharirwa na bamwe mu kazi. Ibi bitume bake batekana mu bihumbi byabantu byabuze akazi bitewe n’ikoreshwa rya za drono n’amarobo. Gusa ni ingaruka tutarwanya kuko bituma twihuta mu ikoranabuhanga.

Yanditswe na John Baptiste MUNYEMANA

Comments

comments




Leave a Reply

Your email address will not be published. Required fields are marked *