Search

Amateka ya Lucky Dube wakuriye mu buzima bugoye,bikamubera inzira nziza yamugejeje ku kuba ikirangirire kw’Isi

IBM Radio Listen Live

KANDA HANO UREBE VIDEO

Amazina  ye ni Lucky Philip Dube , akaba yaravutse tariki 3 Kanama 1964, avukira ahitwa Ermelo mu burasirazuba bwa Transvaal kuri ubu ni ahitwa Mpumalanga.

Lucky Dube yavutse mu muryango wa aborozi bari batuye ahitwa Ermelo , Nyina Sarah amaze kumubyara yamufashe nk’umwana w’imfura kubera ko yari amaze igihe kinini asama inda zikavamo, Lucky amaze kuvuka nibwo bahise bamwita Lucky bivuze Umunyamahirwe.

Nyina wa Lucky Dube niwe wasaga nk’uwari utunze umuryango kuko niwe wagombaga gushaka buri kimwe cyose cyababeshaho umuryango kubera ko umugabo we yari yarasabitswe n’inzoga.

Nyuma yo kubyara Lucky Dube yaje kubyara abandi bana aribo Thadi na Patrick, ariko kubera ko umugabo we yari umusinzi yaje kumwirukana ajya gushaka aho akorera amafaranga mu rugo rw’abakire ariko nabwo umugabo ntatume ahura n’abana be ngo abahe amafaranga yo kubatunga , Lucky Dube na barumuna be bagumanye na se w’umusinzi.

Iyo mibereho ikaba yaratumye Lucky Dube mugihe yari ageze mu kigero cy aho urungano rwe rwatangiriraga ishuli , we yatangiye gukora mu busitani bw’umuzungu bari baturanye kugira ngo abone amafaranga yo gutunga barumuna be, yahakoze imyaka myinshi mbere yo gutangira ishuri.

Mu ishuri yaje kuba umuhanga,ariko akikundira umuziki, kugeza ubwo yaje kwinjira muri korali, nyuma iyo korali aza kuyibera umuyobozi , korali yanabaye iya 3 mu marushanwa yahuzaga amakorali y’ibigo by’amashuri, ibintu bitari byarigeze bibaho mu mateka. Lucky Dube ishuli ryaje kumubera intangiriro y’ubuzima bwe kuko uretse ubumenyi yarikuyemo, ryatumye ahabonera inshuti nyinshi cyane cyane nazo zakundaga umuziki.

Alubum ye yambere yo mu munjyana ya Raggae Lucky Dube akaba yarayishyize ahagaragara mu 1986 yayise Rastars Never Die. Gusa iyi Album ntabwo yakunzwe cyane, ndetse n’abayobozi ba leta y’afurika yepfo bari bafite ubwoba ko abakoroni bazahagarika iyo album. Ariko uko imyaka yagiye isimburana buhoro buhoro lucky Dube yagiye yigarurira abakunzi aho yakurikijeho indi Alubum yise Think about Children ari nayo yamugize umwe mu birangirangirire muri Afurika yepfo.

Arangije gusohora Album ye ya kane nibwo yatangiye gukorera amafaranga byanyabyo , hagati aho arimo gukora Album ye ya Gatanu yise Mbaganga , Lucky Dube yaje guhura n’undi munyamuziki wari ukomeye icyo gihe ariwe Dave Segal, waje no kumufasha cyane muri gahunda z’umuziki .

Alubum ye yambere yo mu munjyana ya Raggae Lucky Dube akaba yarayishyize ahagaragara mu 1986 yayise Rastars Never Die. Gusa iyi Album ntabwo yakunzwe cyane, ndetse n’abayobozi ba leta y’afurika yepfo bari bafite ubwoba ko abakoroni bazahagarika iyo album. Ariko uko imyaka yagiye isimburana buhoro buhoro lucky Dube yagiye yigarurira abakunzi aho yakurikijeho indi Alubum yise Think about Children ari nayo yamugize umwe mu birangirangirire muri Afurika yepfo

Kuva ubwo Lucky Dube nibwo yatangiye gusohora Alubum azibyaza amafaranga , 1989 yatsindiye igihembo cya Televiziyo yitwa OKTV kubera indirimbo yitwa Prisoner , umwaka wakurikiyeho yatsindiye ikindi gihembo kubera indirimbo ye yise Captured live , mu 1991 atwara ibindi bihembo 2 kubera indirimobo yise House of Exile . Lucky Dube yakomeje gusohora Alubums z’indirimbo ari nako atwara ibihembo mpuzamahanga aho yitabye Imana amaze gusohora Alubum 21 mu izina rye , akaba yaranatwaye ibihembo bibarirwa hejuru ya 20 harimo ibyo mu gihugu ke ndetse no hanze yacyo.

Ku myaka 43 Lucky Dube yarashwe kuwa 18 Ukwakira mu 2007 ,arasirwa imbere y’abana be 2 uwumuhungu n’uwumukobwa arasirwa I Rosettenville mu mugi wa Johannesburg,, araswa n’abajura bashakaga kumwambura imodoka ye , nyuma bamaze kubona ko barashe Lucky Dube imodoka bayitaye aho ntibayijyana  Ariko mu rubanza aba bajura bakaba baravuze ko bamwitiranyije n’umuherwe w’umunya Nigeriya bari bateze.

Lucky Dube yasize umugore n’abana 7.

Reba hano amashusho y’indirimbo It’s not Easy ya Lucky Dube

 

Richard [email protected]

 

Comments

comments




Leave a Reply

Your email address will not be published. Required fields are marked *