Search

Amavubi anyagiwe na Zanzibar mu mukino wa kabiri muri CECAFA (Amafoto)

IBM Radio Listen Live

KANDA HANO UREBE VIDEO

Ikipe y’Igihugu Amavubi yatsinzwe na Zanzibar ibitego 3-1, akaba ari umukino wa kabiri atsinzwe mu irushanwa rya Cecafa y’ibihugu riri kubera muri Kenya.

Amavubi kugeza ubu muri CECAFA, afite 0/6 n’umwenda w’ibitego 4.

Uyu mukino wabaye ku gicamunsi cyo kuri uyu wa Kabiri wakiniwe i Machakos, Zanzibar yihereranye Amavubi iyitsinda inayirusha nyuma y’amakosa ya hato na hato yagiye akorwa na ba myugariro b’u Rwanda.

Igitego cya mbere cya Zanzibar cyabonetse ku munota wa 34 gitsinzwe na Mudathiri Yahya ku mupira mwiza yari ahawe na mugenzi we wakinaga ku ruhande rw’ibumoso, undi nawe agahita aboneza mu rushundura n’umutwe, ku buryo umuzamu Kimenyi Yves atabashije kumenya aho unyuze kimwe na ba myugariro be.

Ku munota wa 46, Muhadjiri Hakizimana usanzwe ukinira APR FC yaboneye Amavubi igitego kimwe cyo kwishyura. Ntibyarangiriye aho kuko ku munota wa 52, abasore ba Zanzibar basatiriye Amavubi maze uwitwa Mohamed Juma atsinda igitego cya Kabiri.

Zanzibar yakomeje gusatira cyane maze ku munota wa 85 umusore witwa Kassim Khamis atsinda igitego cya Gatatu cyaturutse kuri kuri contre-attack. Umukino urangira Zanzibar yegukanye intsinzi y’ibitego 3 kuri 1 cy’Amavubi.

Umutoza w’Amavubi, Antoine Hey mbere y’umukino yari yavuze ko kuri iyi nshuro agomba kwitwara neza akabasha kubona amanota atatu ya mbere nyuma yo gutsindwa na Kenya ibitego bibiri ku busa mu mukino wafunguye irushanwa. Icyo gihe uyu mutoza yatangaje ko yatsinzwe bitewe no kwakirwa nabi no kudahabwa ibiryo.

Nyuma yo gutsindwa imikino ibiri, Amavubi azasubira mu kibuga kuri uyu wa Kane tariki ya 7 Ukuboza akazacakirana n’ikipe y’igihugu ya Libya.

Abakinnyi 11 b’abanje mu kibuga ku ruhande rw’amavubi.

Abakinnyi babanje mu kibuga ku ruhande rwa Zanzibar.

Amakipe yombi asohoka mu rwambariro.

Abakinnyi bakinnye umukino wa Kenya bose babanje hanze.

Rwarutabura ukomeje kwubaka izina muri Kenya, aha icyubahiro indirimbo y’igihugu.

Higiro Thomas umutoza w’abazamu abwira Marcel na Kimenyi Yves ko bagomba kwigaragaza kuko Bakame yari yaruhukijwe kimwe na bagenzi be bakinnye umukino wa Kenya.

Yannick wambaye nimero 6 na Eric Rutanga wambaye 20 n’abagenzi babo babanje ku ntebe y’abasimbura nkuko umutoza Hey yari yabihisemo.

Rujugiro nawe yakoze iyo bwabaga afana Amavubi.

Abakinnyi ba Zanzibar bishimira igitego cyabo cya mbere.

Rutahizamu wa APR FC Nshuti Innocent w’imyaka 18 akinishwa kenshi ariko ntabwo arashobora kureba mu izamu.

 

 

Ivan Heritier

Comments

comments




One thought on “Amavubi anyagiwe na Zanzibar mu mukino wa kabiri muri CECAFA (Amafoto)

Leave a Reply

Your email address will not be published. Required fields are marked *