Amavubi yakoze imyitozo ibongerera ingufu bitegura ikipe y’igihugu ya Seychelles(Amafoto)

Ikipe y’igihugu y’umupira w’amaguru mu Rwanda, Amavubi yakoze imyitozo yitegura kujya guhangana n’ikipe y’igihugu ya Seychelles.

Iyi myitozo abakinnyi b’Amavubi bayikoreye muri Kenya i Nairobi bitegura guhita mu Mujyi wa Victoria muri Seychelles gukina umukino ubanza w’ijonjora rya mbere yo gushaka itike y’igikombe cy’Isi cya 2022 kizabera muri Qatar.

Amavubi azakina uyu mukino azakirwamo na Seychelles ku wa Kane saa 16:00 kuri Stade de Linite mu gihe bizaba ari saa 14:00 za Kigali.

Umukino wo kwishyura uzabera kuri Stade ya Kigali tariki ya 10 Nzeri saa 18:00. Ikipe izakomeza hagati y’u Rwanda na Seychelles iziyongera ku bindi bihugu 39 maze habe tombora y’amatsinda 10 azaba agizwe n’amakipe ane kuri buri tsinda.

Tanga Igitekerezo ukoresheje Facebook

SHARE