Amavubi yatsinzwe na Uganda Cranes 3-0 mu mikino yo gushaka itike yo kuzakina CHAN 2018 (Amafoto)

IBM Radio Listen Live

KANDA HANO UREBE VIDEO

Amavubi y’u Rwanda yatsinzwe na Uganda Cranes 3-0 mu mukino ubanza wo gushaka itike yo kuzitabira imikino ya CHAN 2018 izabera muri Kenya.

Amavubi yanyagiwe na Uganda mu mukino ubanza wo gushaka itike yo kuzakina CHAN 2018.

Kuri uyu wa Gatandatu, tariki ya 12 Kanama 2017 nibwo hakinwe umukino ubanza wahuzaga ikipe y’u Rwanda Amavubi n’Imisambi ya Uganda, mu mikino yo gushaka itike yo kuzakina imikino y’igikombe cya Africa cy’Abakinnyi bakina imbere mu bihugu byabo.

Uyu mu kino waberaga mu mujyi wa Kampala ahitwa Entebbe kuri stade ya St Mary Kitende, waje kurangira Imisambi ya Uganda inyagiye Amavubi ibitego 3-0.

Ikipe ya Uganda yinjiye neza mu mukino kuko igitego cya mbere bagitsinze ku munota wa 16 nyuma y’ikosa ryakozwe na Rucogoza Aimable Mambo, umusifuzi agahita atanga penaliti yinjijwe neza na Muzamiru Mutyaba.

Uyu mukinnyi wari wazonze abinyuma b’Amavubi nyuma y’iminota icumi gusa yahise atsinda igitego cya kabiri ku mupira mwiza yari ahawe na mugenzi we Derrick Nsibambi.

Iminota 45 y’igice cya mbere yarangiye u Rwanda rwatsinzwe ibitego 2-0 byanatumye mu cya kabiri Umutoza w’Amavubi, Antoine Hey, akora impinduka mu bakinnyi babanje mu kibuga akuramo Mubumbyi Barnabé yinjiza rutahizamu Biramahire Christophe Abeddy.

U Rwanda rutakaje umukino ubanza wa Uganda rufite akazi katoroshye ku wo kwishyura uteganyijwe kubera mu Mujyi wa Kigali mu cyumweru gitaha aho rusabwa nibura gutsinda ibitego 4-0 kugira ngo rukatishe itike yo kwitabira imikino ya CHAN 2018.

Uyu mukino wabereye kuri stade ya St Mary Kitende iherere i Entebbe.

Abanyarwanda baba muri Uganda bari baje gushyigikira ikipe y’igihugu cyabo.

Rujugiro na Rwarutabura ba banje kuzenguruka uduce dutandukanye tw’umujyi wa Kampala na Entebe bibutsa Abanyarwanda bahatuye kuzagushyigikira ikipe yabo.

Abanyamakuru b’imikino baherekeje Amavubi babanje guhura na bagenzi babo bo muri Uganda.

 

 

Ivan Heritier

2,150 total views, 43 views today

Comments

comments




Leave a Reply

Your email address will not be published. Required fields are marked *