Search

Amavubi:Antoine Hey yahinduye ikipe y’igihugu 100% ngo arebe ko yatsinda umukino w’uyu munsi(urutonde rushya)

IBM Radio Listen Live

KANDA HANO UREBE VIDEO

Kuri uyu wa kabiri ikipe y’igihugu Amavubi irakina umukino wayo wa kabiri mu irushanwa rya Cecafa Senior Challenge Cup riri kubera muri Kenya aho ubu amaze gutsindwa umukino umwe arinawo wa mbere bakinnye na Kenya.

Antoine Hey umutoza w’ikipe y’igihugu Amavubi

Amakuru dukesha Kigalitoday ni uko umutoza Antoine yatangarije abanyamakuru ko nta mukinnyi wabanjemo mu mukino wa mbere batsinzwemo ibitego 2-0 uzabanza mu kibuga.

Aganira n’itangazamakuru, umutoza Antoine Hey yagize ati “Ku mukino wa Zanzibar twafashe gahunda yo guha amahirwe n’abandi bakinnyi batari bakinnye umukino wa mbere, aho tuza kubanzamo ikipe nshashya yose, kuko ndikugerageza ubundi buryo bwinshi”.

Antoine hey kandi ngo ku bwe ntibatsinzwe na Kenya kuko yabarushaga ahubwo ngo hajemo n’ikibazo cy’umunaniro.

Abakinnyi babanzamo:

Mu izamu: Nzarora Marcel
Ba myugariro: Ombolenga Fitina, Rugwiro Herve, Mbogo Ally, Imanishimwe Emmanuel
Hagati: Niyonzima Olivier Sefu, Nshimiyimana Amran, Niyonzima Ally
Ba rutahizamu:Sekamana Maxime, Nshuti Innocent, Hakizimana Muhadjili

Umukino uhuza ikipe y’igihugu Amavubi na Zanzibar uraba kuri uyu wa kabiri i saa saba za hano i Kigali umukino ukabera Kenyatta stadium.

Richard Uwizera@ibyamamare.com

Comments

comments




Leave a Reply

Your email address will not be published. Required fields are marked *