Ambasaderi Joseph Habineza wahoze ari Minisitiri w’Umuco na Siporo yatangiye gucuruza amakaroni

IBM Radio Listen Live

KANDA HANO UREBE VIDEO

Ambasaderi Joseph Habineza wahoze ari Minisitiri w’Umuco na Siporo ndetse akaba yarigeze no kuba Ambasaderi w’u Rwanda muri Nigeria, nyuma y’igihe atari mu mirimo ya Politiki noneho yatangiye ubushabitsi (Business), akaba yatangiye gucuruza amakaroni yamwitiriwe ndetse ubu yamaze kugezwa mu maduka akomeye mu mujyi wa Kigali.

joee

Joseph Habineza wahoze ari Minisitiri w’Umuco na Siporo

Joseph Habineza wahoze ari Minisitiri w’Umuco na Siporo akaza gusimbuzwa Uwacu Julienne ku buyobozi bw’iyi Minisiteri, ni umwe mu bayobozi bari bakunzwe n’abaturage benshi ariko cyane n’urubyiruko, kuburyo kuva yakurwa ku buyobozi bw’iyi Minisiteri abantu batari bacye bakomeje kwibaza ibyo yaba ahugiyemo ndetse n’ibyo ateganya gukora mu minsi iri imbere.

Ubu ariko mu buryo bweruye, Joseph Habineza bamwe bakunda kwitwa Joe, yatangiye ubucuruzi bw’amakaroni (Spaghetti) yamwitiriwe yitwa “Pasta Joe”. Ubu aya makaroni yatangiye no kugezwa mu masoko agezweho (Supermarkets) yo mu mujyi wa Kigali nko muri Woodlands, ahitwa kwa Ndoli, La Colombe n’ahandi kandi mu minsi micye biteganyijwe ko azaba yageze mu gihugu hose.

Amakaroni Habineza Joseph yatangiye gucuruza

Amakaroni Habineza Joseph yatangiye gucuruza

Habineza Joseph yatangaje ko aya makaroni afite ubwiza n’uburyohe bw’umwihariko kuburyo ntaho ahuriye n’asanzwe ari ku isoko, kuburyo yizeye ko abantu bazayakunda cyane. Ikirenze kuri ibyo aya makaroni n’ubwo arimo gukorerwa hanze mu gihe hagikorwa igerageza, biteganyijwe ko ubundi azajya akorerwa mu Rwanda bityo nawe akazaba abaye umwe mu bashyigikiye gahunda ya “Made in Rwanda” igamije guhesha agaciro no guteza imbere ibikorerwa imbere mu gihugu.

5,947 total views, 1 views today

Comments

comments

Indirimbo Nshya : NTURANYE NABO by MAY LO[YIREBE HANO]



One thought on “Ambasaderi Joseph Habineza wahoze ari Minisitiri w’Umuco na Siporo yatangiye gucuruza amakaroni

  1. Umusaza

    Wowwwwwww. BYIZA CYANE. Dukeneye abantu nk’aba. Rwose urwo ruganda ruzazanwe mu RWANDA, Tujye twirira amakaloni y’iwacu. CONGS Mr Joe. IMANA RUREMA IGUSHYIGIKIRE IGUHE UMUGISHA IMISHINGA YAWE ITERE IMBERE, Ukomeze uhange imirimo yateza abanyarwanda imbere kandi idufitiye akamaro nk’aka. Uje mu gihe gikwiye(Abantu benshi bakeneye akazi, dukeneye n’ibindi biryo bikoze mubundi buryo dukeneye no kukwigiraho mu guhanga udushya. Vous restez tjrs special. Encore FELICITATION ET COURAGE.

    Reply

Leave a Reply

Your email address will not be published. Required fields are marked *