Apple Gold yashyize hanze indirimbo yise “My Love” yakoranye na El Kennedy

Igabe Elie umaze kumenyekana mu muziki nka Apple Gold yasohoye indirimbo yise “My love” yakoranye n’uwitwa El Keneddy wo mu karere ka Rubavu , yitsa ku rukundo rwa nyarwo ruzira imbereka.

Uyu muhanzi uhamya ko umwaka wa 2020 yiteguye kuzamura izina rye muri Muzika Nyarwanda binyuze mu bihangano byiza,yatangije umwaka abakunzi be abaha indirimbo yise “My love”

“My love” n’indirimbo nshya ya Apple Gold yakoranye na El Kennedy ifite iminota 2 n’amasegonda 58. yiganjemo amagambo aryohereye ku bakundana.

“My love” niyo ndirimbo ya mbere uyu muraperi yashyize hanze muri 2020 yakozwe na Producer Julesce Pro uri kwiga muzika ku ishuli rya muzika rya Nyundo,yakorewe muri VJN Studio i Rubavu.

Umuraperi Apple Gold

Aganira na Ibyamamare.com Apple Gold yagarutse ku gitecyerezo cyo gukora iyi ndirimbo

“N’indirimbo nakoze mfatanyije na El Kennedy kuko ni nawe wazanye igitecyerezo nyamukuru,n’inkuru ishingiye ku rukundo rwa nyarwo rucyenewe hanze muri rubanda,twarebye inkundo ziri hanze aha ziganjemo kubeshyana twe tugaruka ku rukundo rwa nyarwo”

Apple Gold avuga ko mu minsi mike iyi ndirimbo igiye hanze hari amayira imaze kumufungurira ndetse yanishimiye uko abantu bagiye bayakira hirya no hino aho abararikira kuzamufasha byisumbuyeho ku ndirimbo izakurikira “My love” ari gukorana na Pacifica Ntwali.

Uyu muhanzi avuga ko muri 2020 ari umwaka wo kuzamura urwego rwe muri muzika aho ateganya gukorana indirimbo n’abahanzi batandukanye hirya no hino mu Gihugu ndetse no gutaramira abakunzi ba Muzika.

Apple Gold na El Kennedy bakoranye indirimbo bise “My Love”

Umva hano indirimbo My love ya Apple Gold ft El kennedy

 

Tanga Igitekerezo ukoresheje Facebook

SHARE