APR FC na Rayon Sport zatomboye amakipe bizahura mu mikino Nyafurika

0

Kuri uyu wa Gatatu tariki 21 Ukuboza 2016 nibwo ku cyicaro cy’impuzamashyirahamwe y’umupira w’amaguru muri Afurika (CAF) i Cairo mu Misiri habereye tombola y’uko amakipe azahura mu mikino Nyafurika ihuza amakipe yabaye aya mbere iwayo n’ayayakurikiye.

APR FC yatomboye Zenaco yo muri Zambia naho Rayon Sports yisanga iri kumwe na Al Salam yo muri Sudani y’Epfo.

Umukino ubanza hagati ya APR FC na Zenaco uzabera muri Zambia hagati y’itariki ya 10 n’iya 12 Gashyantare 2017 mu gihe uwo kwishyura uzabera i Kigali hagati ya tariki ya 17 n’iya 19 Gashyantare 2017, aha hakazaba hakinwa imikino yo mu ijonjora rya mbere.

apr-8
APR FC yo mu Rwanda izahura na Zenaco yo muri Zambia

Hari amakipe atazanyura muri irijonjora ryambere rya CAF Champions League bitewe nuko asanzwe ahagaze mu mupira w’amaguru Ayo makipe harimo USM Alger, Al Ahly, Zamalek, WAC Casablanca, ES Sahel, ES Tunis, Mamelodi Sundown, Al Hilal, na TP Mazembe.

Naho mu mikino ya Confederation cup, ikipe ya Rayon Sport izatangira isohokera muri Sudan y’Epfo gusura Al Salam mbere yuko umukino wo kwishyura ubera i Kigali nayo ku matariki amwe nk’aya APR FC.

????????????????????????????????????
Rayon Sport yo mu Rwanda izahura na Al Salam yo muri Sudi y’Epfo

Mu ijonjora rya mbere rya CAF Confederation Cup Rayon Sports irimo naho hari amakipe atazarirwa aricamo harimo Recreativo Libolo, ASEC Mimosas, Smouha, Kaloum, Djoliba, 11 Créateurs, Sanga Balende, Ahly Shandy, Azam, Club Africain, CS Sfaxien na Zesco bitewe nuko aba ari amakipe akomeye yanagiye agera kure muri aya marushanwa bityo agahabwa icyubahiro cyo kuzatangira irushanwa rigeze aharyoshye.

 

Ivan Heritier@Ibyamamare.com

9,156 total views, 1 views today

Comments

comments

ANDIKA ICYO UTEKEREZA KURI IYI NKURU