Search

APR FC yanyagiye itababarira Anse Reunion yo muri Seychelles hano i Kigali

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

 APR FC yatangiye neza urugendo rwo guhatanira igikombe cy’amakipe yatwaye ibikombe iwayo ku mugabane wa Afurika (Total Caf Confederatin Cup) itsinda Anse Réunion FC   yo mu birwa bya Seychelles mu mukino ubanza w’ijonjora ry’ibanze rya CAF Confederation Cup ibitego 4-0 birimo bitatu bya Bizimana Djihad. Umukino wo kwishyura uteganyijwe mu minsi 10.

11 babanjemo kuruhande rwa APR FC

Iyi kipe y’ingabo yaje muri uyu mukino idafite Iranzi Jean Claude na Savio Nshuti Dominique batarabona ibyangombwa bya CAF bibemerera gukina amarushanwa mpuzamahanga na Onesme Twizerimana wanze kwitabira umwiherero ku bushake bwe.

Imbere y’abayobozi bayo; General James Kabarebe, Lt Gen. Jacques Musemakweli, Gen. Mubarak Muganga na Maj Gen.Alex Kagame, APR FC yatangiye umukino neza isatira igaragaza inyota y’ibitego yoroherezwa n’abakinnyi bo hagati bo muri Seychelles;Helton Monnaie na Rodrick Rose bari ku rwego ruciriritse.

20 bahatanira ikamba rya Miss Rwanda 2018 nabo bari baje kwirebera uyu mukino

Ni umukino ikipe ya APR FC yari hejuru cyane ugereranije n’iyi kipe yo mu birwa. Ku munota wa 12 gusa Djihad Bizimana yafunguye amazamu ku ishoti rikomeye yatereye muri metero hafi 20.

Uyu musore ukomoka i Rubavu yigaragaje cyane muri uyu mukino dore ko yaje gutsindamo n’ibindi bitego bibiri ku munota wa 71 n’uwa 90+1 bityo atahana umupira(ballon) mu gihe Issa Bigirimana nawe yarebye mu izamu ku munota wa 81.

Gen Alex Kagame na Gen James Kabarebe  bari baje kwirebera uyu mukino

Iyi mpamba y’ibitego 4-0 akaba ari yo APR FC izaba ikenyereyeho mu minsi 10 iri imbere ubwo izaba yerekeje muri Seychelles mu mukino wo kwishyura uzakinwa ku wa Gatatu tariki ya 21 Gashyantare 2018.

APR FC ikaba iha icyizere abafana bayo ugereranije n’uburyo mukeba wayo Rayon Sports yitwaye kuri uyu wa Gatandatu ubwo yanganyaga na Lydia Ludic y’i Burundi igitego 1-1.

11 babanjemo kuruhande rwa Ance Reunion

Abakinnyi 11 babanje mu kibuga ku mpande zombi

APR FC: Kimenyi Yves, Buregeya Prince, Herve Rugwiro, Emmanuel Imanishimwe, Ombolenga Fitina, Mugiraneza Jean Baptiste Migi, Bizimana Djihad, Maxime Sekamana, Issa Bigirimana, Muhadjiri Hakizimana na Byiringiro Lague.

Anse Réunion FC: Ricky Rose, Jules Constance, Tsima Jean Eddy Randriamihaja, Don Fanchette, Bibi Warren, Helton Monnaie, Rachid Gumbo, Rodrick Rose, Kanakulya Mohamed, Bibi Noris, na Yelvany Rose.

 

Richard [email protected]

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.