Search

Bahati Grace wabaye Miss Rwanda 2009 yagize icyo avuga ku mafoto aherutse kugaragaza

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Bahati Grace wabaye Miss Rwanda mu mwaka wa 2009, yagize icyo avuga ku mafoto aherutse gushyira ahagaragara ayanyujije ku rukuta rwe rwa Instagram agatuma abenshi batabivugaho rumwe nawe kuko bavugaga ko kwaba ari uguta umuco cyane cyane ku mwari ufite ikamba rya Miss Rwanda.

Aya mafoto aherutse gushyira ahagaragara yavuzwe cyane mu bitangazamakuru bitandukanye kubera uburyo yari yambaye bidasanzwe bimenyerewe n’abali bo mu Rwanda.

Bahati Grace yagaragaje amafoto yambaye umwenda wa Bikini usanzwe utavugwaho rumwe n’abakobwa bafite ikamaba rya Miss Rwanda kuko ari bimwe mubikorwa bifatwa nk’ibyica umuco w’abanyarwanda.

Bikini ubusanzwe ni umwambaro abantu benshi bambara bagiye koga mu mazi menshi birinda kuba bakwambara ubusa buri buri igihe bagiye mu mazi, akenshi ntaho utaniye n’umwenda w’imbere abantu Bambara uretse kuba warakozwe ugenewe kujyanwa mu mazi. Uyu mwambaro ufasha umukobwa uwambaye gukingira cyangwa guhisha bimwe mu bice by’ibanga bigize umubiri igihe yaba ari mu ruhame rw’abantu benshi.

Bahati Grace mu mwenda wa Bikini

Uyu mukobwa wabaye Nyampinga w’u Rwanda mu mwaka wa 2009, ntiyari asanzwe azwi cyane mu gukoresha urubuga rwa Instagram ariko mu gihe gito amaze arukoresha yatunguranye agaragaza amafoto yambaye utu twenda bituma abantu benshi batandukanye harimo inshuti ze ndetse n’abakunzi b’iri rushanwa rya Miss Rwanda batabyakira neza bamwe batangira kuvuga ko yishe umuco kandi ariwe wagakwiye kuwusigasira kubera ikamba yambitswe.

Uyu mwambaro ubusanzwe umenyerewe kwambarwa n’Ibyamamare bitandukanye ku Isi, kuko akenshi usanga umuco w’Ibihugu bakomokamo utabikumira cyane, ndetse uretse n’ibyo hari abawambara bitewe n’uko ikirere gihagaze( Climant) bigatuma ariwo yambara kubera ubushyuhe bwinshi.

Nyuma yo gusakazwa kw’iyi nkuru kubera Amafoto, Bahati Grace yavuze ko ariya mafoto atayifotoje agamije kwica umuco ahubwo we yayifotoje agiye koga mu minsi mike ishize. Ahamya ko we ntakosa yishinja kuba yarakoze kuko uyu mwambaro yawambariye aho ukwiye kwambarirwa ngo si n’ubwa mbere yari yambaye iyo myenda ahubwo buri gihe iyo yagiye koga ni yo myenda ajyana mu mazi.

Bahati Grace yanavuze ko burya buri muntu agira ikimushimisha bityo rero kwambara Bikini ukagaragaza amafoto ntakibazo kibirimo kuko ari amahitamo y’umuntu ku giti cye ndetse  buri wese agira uburyo yicunga bimureba.

Miss Bahati Grace yambitswe ikamba muri 2009

Bahati Grace ni umwe mu bakobwa babaye baNyampinga b’u Rwanda baranzwe no kugira imico itavugwaho rumwe na benshi dore ko mu gihe cy’Imyaka 3 yamaranye ikamba igihe yari ataratanga Ikamba ubwo yasimburwaga na Aurore Kayibanda wabaye Nyampinga w’u Rwanda muri 2012 yari yarabyaranye n’umuhanzi K8 Kavuyo ndetse kugeza ubu akaba ntanakanunu ku rukundo kakivugwa hagati yabo.

Ubusanzwe mu irushanwa rya Miss Rwanda umwenda wa Bikini ntukoreshwa kuko n’uwambaye usanga Abenshi batamwishimiye, ku rwego mpuzamahanga mu bya Miss hari amarushanwa ahuza Abakobwa baturutse mu bihugu bitandukanye hakaba hari Etape( Agace) bageraho bakiyerekana bambaye Bikini, ibi bitandukanye no mu Rwanda umwari agomba kwiyerekana yambaye imyambaro imugaragaza nk’umwari ufite umuco kandi warezwe

Bahati Grace

Umwana w’umuhungu yabyaranye na K8 Kavuyo

KWIZERA Juvenal-Ibyamamare.com

 

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.