Bakimara kubona gatanya, uwahoze ari umugabo wa Aline Gahongayire, yahise akora ubukwe n’umukobwa uvuye muri Amerika(Amafoto)

Gahima Gabriel wahoze ari umugabo w’umuririmbyi, Aline Gahongayire yakoze ubukwe n’umukobwa waturutse muri Amerika.

Gabby yakoze ubukwe n’umukobwa witwa Nadege Narette umaze iminsi ari mu Rwanda ndetse biravugwako bashobora kuzahita bajyana kuba muri Leta zunze Ubumwe za Amerika.

Gahima akoze ubukwe na Nadege nyuma yo gutandukana na Aline

Ubukwe bwabo bwabaye kuri uyu wa Gatandatu tariki 28 Ukuboza 2019 aho aba bombi babanje gusezerana imbere y’amategeko mu Murenge wa Jali mu Karere ka Gasabo nyuma bakurikizaho kwiyakira.

Gahima abinyujije kumbuga ze nkoranyambaga yagaragaje ko yishimiye cyane, ibi birori maze asangiza abamukurikirana amafoto atandukanye yaranze ubukwe bwe aho yagize ati “it’s official”

Gahima Gabriel yamamaye cyane ubwo yavugwaga murukundo n’umuhanzi kazi mu ndirimbo zo kuramya no guhimbaza Imana Aline Gahongayire.

Aba bombi bakoze ubukwe bw’igitangaza ndetse bwavuzwe cyane mu myidagaduro ya hano mu Rwanda.

Gahima Gabriel na Gahongayire Aline basezeranye kubana ku itariki ya 20 Ukuboza 2013, nyuma y’amezi atatu gusa hari ibinyamakuru byatangiye kwandika ko batandukanye ndetse ni nako byagenze byarangiye batse gatanya

Ku wa 28 Ugushyingo 2017 ni bwo Aline Gahongayire na Gaby Gahima babonye ubutane bwemewe n’amategeko babuhawe n’urukiko rw’ibanze rwa Kacyiru ruherereye mu mujyi wa Kigali rwemeje ko Gahongayire Aline n’umugabo we Gahima Gabriel batandukana ntacyo bagabanye kuko nta mutungo bari bafite.

Babanjye gusezerana imbere y’amategeko

Tanga Igitekerezo ukoresheje Facebook

SHARE