Barack Obama yakorewe ibirori byo kumusezeraho n’ingabo z’Amerika (Reba amafoto)

0

kuri uyu wa gatatu nibwo Barack Obama wari Perezida wa leta zunze ubumwe z’Amerika yakorewe ibirori byakataraboneka n’ingabo z’ikigihugu mu rwego rwo kumusezeraho kuko yasoje manda ze ebyiri yagomba kuyobora iki gihugu.

Muri ibi birori byo gusezera kuri Barack Obama yambitswe umudari w’ishimwe n’ubuyobozi bukuru bw’ingabo z’Amerika kubwo kumushimira ko yakoze neza akazi ke banamugaragariza ko bari bakimukunze.

dsc_0431Mu ijambo rye Barack Obama  yashimye imikorere myiza y’ingabo z’igihugu cy’Amerika irangwa n’ubwitange bukomeye ndetse anabasaba ko bazakomeza kurangwa n’ubunyangamugayo ndetse no gukunda umurimo wabo mu gihe bazaba bakorana n’ugiye kumusimbura kuri iyi ntebe.

Obama  mu ijambo rye yagaragaje ko afite icyizere cy’ejo hazaza ha Leta Zunze Ubumwe z’Amerika, kubera ko ingabo z’iki gihugu ziha agaciro amategeko kandi zikaba zikora akazi kazo mu buryo bwa kinyamwuga zigendera ku kuri kandi zikaba zubahiriza cyane ibikubiye mu itegeko nshinga ry’igihugu.

aa64da1858527074cc6bd2140ba1b6Barack Obama wavutse mu 1961 niwe wabaye Perezida w’Amerika wa 44 akaba ariwe muperezida wambere w’umwirabura ukomoka muri Afrika wayoboye Amerika.
Amazina ye yose ni Barack Hussein Obama afite umugore umwe ariwe Michelle Robinson Obama bafitanye abana babiri aribo Malia Obama na Sasha Obama.

Obama yatangiye kuyobora Amerika kuva muri 2009 kugeza muri 2016  agiye gusimburwa na Donald Trump uherutse gutorerwa kuyobora iki gihugu.

Nyuma y’ibi birori by’ingabo zisezera kuri Barack Obama biteganyijwe ko kuri uyu wa Gatanu hazaba ibindi birori ubwo Obama azaba asezera muri White House.

7d64da516ca08bda7ecb222d660955
d831dbe4b6fb40170e864b67e65d40 a37343cd0a3ecc3a461ee1117507fa 852a5e8b353c64eee427d84dee0d16 880624474c11fb2dbdc19a8115b651 4d80566f9f158e50cdec4bb28aa385 a5a2a74051ebc58bf7c1de5fa84c072a7b79528f2c2bf0b9b5155107ceb0

Ivan Heritier@Ibyamamare.com

97,839 total views, 85 views today

ANDIKA ICYO UTEKEREZA KURI IYI NKURU