Search

Barcelona FC yazengurute umujyi wa Catalonia yereka abakunzi bayo ibikombe yatwaye muri uyu mwaka (Amafoto)

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Ku Cyumweru tariki ya 29 Mata 2018 nibwo ikipe ya Barcelona yegukanye igikombe cya shampiyona y’uyu mwaka muri Espanye nyuma yo gutsinda umukino wayihuje na Deportivo la Curuna. Bukeye bwaho kuwa Mbere abakinnyi b’iyi kipe bazengurutse mu mujyi wa Catalonia bereka abakunzi babo ibikombe bibiri begukanye muri uyu mwaka w’imikino.

Barcelona iri mu makipe akomeye mu mupira w’amaguru ku Isi, yegukana igikombe cya shampiyona yo muri Espanye ku shuro yayo ya 30.

Iyi kipe ibarizwamo igihangange Lionel Messi yazengurutse umujyi wa Catalonia yereka abakunzi bayo ibikombe bibiri yegukanye muri uyu mwaka w’imikino wa 2017-2018, harimo igikombe cya Shampiyona izwi nka Spanish la Liga ndetse n’igikombe cy’umwami (Copa Del Rey).

FC Barcelona yatwaye igikombe cya shampiyona imikino itararangira kuko mu mikino 34 imaze gukina ifite amanota 86 mu gihe Atletico Madrid iri ku mwanya wa kabiri n’amanota 75 ariko ikaba imaze gukina imikino 35. Bivuze ko niyo yatsinda imikino itatu(3) isigaranye yahita igira amanota 84 kuri 86 ya FC Barcelona.

Real Madrid yo iri ku mwanya wa gatatu n’amanota 71 ikaba isigaje imikino 4, nayo niyo yayitsinda yose itageza amanota 86 afitwe na FC Barcelona kuko yahita igira amanota 83.

Lionel Messi niwe uyoboye abafite ibitego byinshi muri iyi shampiyona aho amaze gutsinda 32 agakurikirwa naChristiano Ronaldo ufite 23 na Luis Suarez nawe ufite 23.

Mu mpera z’iki cyumweru hakaba hateganyijwe umukino ukomeye uzahuza FC Barcelona yamaze kwegukana igikombe na Real Madrid iri kumwanya wa Gatatu.

Gerard Pique asuhuza abafana.

Ernesto Valverde umutoza mukuru wa Barca afata agafoto.

Jordi Alba areba ibyishimo abafana bafite mu mihanda y’i Catalonia.

Samuel Umtiti yifata selfie.

Abafana bari benshi mu mihanda.

 

 

Ivan Heritier

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.