Barenze ku mabwiriza yo kwirinda icyorezo cya Covid-19 bajya kwishimira igikombe (Amafoto)

Ibihumbi by’abafana b’ikipe ya Liverpool yo mu Bwongereza barenze kumabwiriza agamije kwirinda icyorezo cya Coronavirus, buzura mu mihanda mu rwego rwo kugaragaza ibyishimo batewe nuko iyi kipe yatwaye igikombe cya shampiyona nyuma y’imyaka 30.

Mu ijoro ryo kuri uyu wa Kane rishyira kuwa Gatanu nibwo byamenyekanye ko ikipe ya Liverpool ariyo yegukanye igikombe cya shampiyona y’umupira w’amaguru mu Bwongereza izwi nka Premier League.

Byamenyekanye ko Liverpool yegukanye igikombe nyuma yuko Manchester City yayigwaga mu ntege ku manota, itsinzwe na Chelsea ibitego 2-1 bituma hajyamo ikinyuranyo cy’amanota 23 hagati y’ikipe yambere n’iya kabiri kandi ntashobora gukurwamo mu mikino isigaye.

Hari hashize imyaka 30 ikipe ya Liverpool idatwara igikombe cya Shampiyona mu gihe yabaye iya kabiri inshuro nyinshi zitandukanye. Ibi bikaba aribyo byatumye abakunzi b’iyi kipe bananirwa kwifata no gukurikiza amabwiriza yo kwirinda Coronavirus maze kuzura imihanda bishimria iyi ntsinzi.

Abafana barenga ibihumbi 5 muri iri joro bahise buzura imihanda iri hafi ya stade y’iyi kipe ariyo ‘Anfield’ bacana ibiturika, abandi burira ibice by’iyi stade ariko bananywa amayoga atandukanye.

 

Tanga Igitekerezo ukoresheje Facebook

SHARE