Basoje umwaka wa 2020 mubyishimo bidasanzwe, Babyaye umwana w’umuhungu nyuma y’imyaka 15 bakoze ubukwe barategereje urubyaro barahebye(Amafoto)

Ni ibyishimo bidasanzwe kumuryango wa Grace Dwinoko na Alex Okon bari bamaze imyaka 15 bakoze ubukwe bemeranya kubana nk’umugore n’umugabo, gusa muri iyo myaka yose bategereje urubyaro baraheba.

Uyu muryango wo mugihugu cya Nigeria, urashima Imana kubera ibitangaza yabakoreye mumpera z’uyu mwaka wa 2020.

Bibarutse umwana wabo w’imfura nyuma y’imyaka 15 bakoze ubukwe

Aba bombi bibarutse umwana w’umuhungu ku munsi wa Noheli, kuribo byafashwe nk’igitangaza kuko bari bamaze igihe kinini bategeje umwana baramubuze.

Nkuko byatangajwe na Grace, uyu mugore wari waramaze kwiheba yahamijeko kuva yatwita kugeza abyaye atajyaga yizera ko azabona umwana gusa ngo yakomeje kwiringira ko Imana ikora ibitangaza kandi ishobora byose.

Yagize ati “Ndi umuntu, nkibwirwa ko ntwite, narabyakiriye ndanabyemera kuko nabibwiwe n’abaganga, ariko kuko nagiye ntwita inda zikavamo, niyi numvaga ntacyize mfite ko nzayibyara.”

Akomeza agira ati “Narapfukamye ndasenga ngasaba Imana ngo nikore ibirenze kuri njyewe kuko nari narihebye, nageraje kujya mfata amafoto y’urwibutso ariko ngatinya kuyagaragaza kuko ntacyizere narimfite muri njye, kugeza mfashwe n’ibise nkajya kwamuganga bakambwira ko nabyaye umuhungu.”

Ni ibyishimo bidasanzwe kubera uyu mwana wavutse nyuma y’imyaka 15 ababyeyi be barabuze urubyaro

Umugabo w’uyu mugore nawe ahamyako yari yaracitse intege bikomeye kuko imyaka 15 arimyinshi ku muntu w’umugabo n’umugore babana kandi bakabana bashaka kubyara.

Alex avugako abantu benshi bagiye bamuca intege, bakamushinyagurira ndetse ngo hari n’abamugiriye inama bamubwira gutandukana n’umugore we akishakira undi ubyara, gusa ngo aba bose yabimye amatwi akomeza kuba hafi y’umugore we kuko bari barasezeranye kubana akaramata mubibi no mubyiza.

Uyu mubyeyi yahoraga afite impungenge ntacyize yari agifite ko nawe azitwa umubyeyi

Uyu muryango urashima Imana cyane ko yabakoreye ibitangaza bagasoza umwaka wa 2020 mubyishimo bidasanzwe ndetse bakaba batangiye uwa 2021 akanyamuneza ariko kose.

Umugabo ati “Ubu twabaye batatu niwo munezero mfite, nyuma y’imyaka 15,ntawe bitanezeza”

    

Tanga Igitekerezo ukoresheje Facebook

SHARE