Search

Big Brother East Africa: Sandra Teta na Vanessa mu banyarwanda 5 bamaze gutangaza ko bazitabira iri rushanwa

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Mu gihugu cya Kenya hagiye  gutegura irushanwa rya Big Brother East Africa, Abanyarwanda batanu bamaze kwiyandikisha ngo bazabashe kuryitabira babe baryegukana, igihembo ku muntu uzaritwara kiragera kuri miliyoni 20 z’amafaranga y’u Rwanda.

Miss Vanesa na Miss Teta Sandra bazitabira amarushanwa ya Big Brother East Africa azabera muri Kenya

Amarushanwa ya Big Brother usanga mu Rwanda atamenyerewe ariko mu bihugu byateye imbere usanga akurikiranwa na benshi kuko ahanini yitabirwa n’ibyamamare mu ngeri zitandukanye.

Buri gihugu kizahagararirwa n’abantu batatu, abazaba batoranyijwe bakazahurira muri Kenya tariki ya 17/2. 2018.

Mu mwaka wa 2014 nibwo bwa mbere Abanyarwanda bitabiriye aya marushanwa, uwitwa Nkusi Arthur na Rukundo Frank uzwi nka Frank Joe bahagarariye u Rwanda muri Big Brother Africa, muri bo ntawabashije kugira amahirwe yo kuryegukana kuko bari bahatanye n’ibyamamare bikomeye haba abo muri Nigeria, Ghana, Afurica y’Epfo n’ahandi.

Itsinda rikorera muri Kenya rya God Father East Africa ryateguye na ryo aya marushanwa ariko yo azitabirwa n’abatuye muri Afurika y’Iburasirazuba harimo Uganda, Kenya, Rwanda n’U Burundi.

Abanyarwanda na bo bamaze kwiyandikisha mu bazajya guhatana muri iri rushanwa nk’uko bigaragara ku rubuga rw’abategura aya marushanwa abamaze kwiyandikisha harimo Miss Teta Sandra, Miss Uwase Vanessa hamwe n’umunyamakuru Phil Peter n’abandi b’Abanyamideli babiri harimo Sisi Ngamije na Gigi.

Mu kiganiro Teta Sandra yagiranye n’umuseke dukesha iyi nkuru  nk’umwe mu biyandikishije muri aya marushanwa yatangaje ko ari byo koko ko we yamaze kwiyandikisha, tariki 16 Mutarama 2018 bazahatana mu majonjora ya mbere azabera mu Rwanda, andi azaba tariki 4 Gashyantare 2018, batatu bazatsinda ni bo bazahagararira u Rwanda muri Big Brother East Africa2018.

Miss Teta Sandra yamaze kwiyandikisha muri aya marushanwa nk’umunyarwanda uzayitabira

Muri iri rushanwa rya Big Brother East Africa uyu mwaka ngo rizabera mu gihugu cya Kenya aho abatoranywa bose bazahurizwa mu nzu imwe mu mugi wa Nairobi bakajya bakurikiranwa bica kuri televiziyo nka NTV Uganda, NTV Kenya na Citizen TV live berekana ubuzima barimo.

Uzabasha kwegukana iryo rushanwa biteganyijwe ko azahembwa miliyoni ebyiri n’igice z’Amashilingi ya Kenya, (asaga miliyoni 20Frw).

Umunyamakuru Phil Peter nawe yamaze kwiyandikisha muri Big Brother

Allan Komba umwe mu bateguye aya marushanwa aganira n’ikinyamakuru Daily Nation yavuze ko hazabanza hakabaho amajonjora aho bazajya mu migi irimo Kigali, Kampala, Dar es Salaam na Nairobi bagakora ijonjora utsinze akazahabwa igihe cyo kujya kurushanwa, ariko akimenya ku mafaranga y’urugendo azamugeza muri Kenya kuri Hotel irushanwa rizaberamo.

Miss Uwase Vanesa nawe yagaragaye kuri uru rutonde

Uyu mugabo yakomeje avuga ko iri rushanwa umuntu wemerewe kuryitabira ari ufite imyaka iri hejuru ya 21.

Muri uyu mwaka irushanwa rizamara amezi atatu, biteganyijwe ko rizatangira muri Werurwe risozwe muri Kanama.

Big Brother yaherukaga ku mugabane wa Africa muri 2014 ari na bwo ba Nkusi Arthur na Frank Joe bayitabiraga, muri uwo mwaka ryegukanywe n’umu-Tanzania, Idris Sultan usanzwe azwiho akazi ko gufotora.

Sisi umwe mubanyamideri bakomeye mu Rwanda nawe azitabira aya marushanwa

 

Richard [email protected]

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.