Search

Bishop Rugagi Innocent yakoze ubuhanuzi bw’akataraboneka ubwo yahanuriye abayoboke be anabaha ku madorali

IBM Radio Listen Live

KANDA HANO UREBE VIDEO

Bishop Rugagi Innocent uyobora itorero Abacunguwe (Redeemed Gospel Church) yagaragaje ubuhanuzi bwakataraboneka kandi budasanzwe kuri buri umwe wese ubwo yahanuriraga abakiristo anabapfumbatiza amadorali bibera igitangaza benshi kuko aribwo bwambere baribabonye ako gashya.

Iki gikorwa kidasanzwe cy’uyu muvuga butumwa cyabaye mu ijoro risoza umwaka wa 2017 ubwo abayoboke ba Redeemed Gospel Church bari bahuriye hamwe mu gitaramo kidasanzwe cyo gushima Imana yabarinze banishimira ko yabarinze bakaba babashije kwinjira mu wundi mwaka mushya wa 2018.

Bishop Rugagi igihe yigishaga akangurira abakiristo kumenya gushimira Imana igihe cyose, yavuze ko anejejwe no kubona Imana yaramurinze mu mwaka wa 2017 ikamurinda mu bikorwa bitandukanye yawukozemo ndetse ikanamubahafi mungendo zose yagize akaba ageze mu mwaka wa 2018 akirimuzima Ati:”Icyubahiro ni icy’Imana”.

Aha mu magambo ye yumvikanaga agira ati “Bwira shitani uti ‘Wacunze nabi ndakwambukanye ngeze muri 2018’ … Icarira abarozi bose ubabwire uti ‘Ndabicariye kandi ndabambukanye.’

Bishop Rugagi yageze mu mwanya w’ubuhanuzi, ahanurira abantu benshi batandukanye barimo n’abari baturutse mu bihugu by’amahanga, agenda ababwira ku bibazo bamze igihe bafite ndetse akanabahumuriza yuko byose Imana ishoboye kubikemura mu gihe kitarambiranye.

Rugagi yakomeje ahanura, maze aza kugera ku musore ukiri muto nawe aramuhanurira, maze arangije iamupfumbatisha amafaranga avanzemo n’amadorali abantu baratungurwa.

Ubwo Bishop Rugagi yahanuriraga uyu musore yagize ati: “Uri umwana muto udafite icyerekezo, nta hepfo nta ruguru, ariko ugomba gukizwa. Akira aya mafaranga arimo n’amadorari ugende ugubwe neza umenye ko muri Yesu bigenda neza.”

Abantu bongeye no gutungurwa no kubona Bishop Rugagi ahanuriye umuntu akanamuha amafaranga, ndetse n’uyu musore wayahawe yaratunguwe bikomeye kubyakira biramunanira ibyishimo biramusaga arambarara hasi.

Ibikorwa byo kuba Bishop Rugagi yakwikura ikintu gihenze akagitanga ntabwo aribyo gutanga amafaranga gusa kuko yigeze no guha mugenzi we Imodoka nyuma yuko yari amaze igihe amubwiye ko yayikunze.

Ibyishyimo byari byose ku musore wasoje umwaka wa 2017 ahabwa amadorali

Kwihangana byaramunaniye arambarara hasi

KWIZERA Juvenal-Ibyamamare.com

Comments

comments




Leave a Reply

Your email address will not be published. Required fields are marked *